40:471  471  PRAELECTIONES  472  enim  id  fuisse  usu  receptum:  et  quum  Deus  populum  suum  a  profanis  gentibus  discernit,  opponit  prophetas  suos  ariolis,  et  magis,  et  aruspicibus,  et  astrologis.  Dicit  enim  gentes  variis  modis  inquirere  quid  expediat,  et  ita  interrogare  suos  deos:  sed  se  unam  rationem  praescribere  electo  populo,  ut  contentus  sit  prophetis,  Suscitabo  illis  prophetam  e  medio  fratrum  suorum,  inquit  Moses  (Deut.  18,18),  hoc  est,  non  opus  erit  vagari  quemadmodum  miserae  gentes  destitutae  consilio  nunc  feruntur  ad  suos  ariolos,  nunc  ad  magos,  nunc  ad  astrologos:  nullus  denique  illis  est  finis:  sed  tibi  occurram,  inquit,  per  prophetas  meos,  qui  semper  aliqui  erunt  in  populo.  Hoc  sensu  dicit  Ezechiel  venisse  seniores  Israel  ad  consulendum  Deum.  Verbum  tsm  significat  proprie  quaerere,  sed  hic  accipitur  pro  consulere,  vel  sciscitari,  quemadmodum  pluribus  aliis  locis.  Iam  mirum  non  est  quod  seniores  etiam  publico  consensu  venerint  ad  prophetam.  Israelitae  enim  iam  longo  taedio  confecti  erant,  et  putabant  se  fere  contabuisse  ob  diuturnum  exsilium.  Sed  alia  etiam  fuit  ratio,  quoniam  falsi  prophetae,  ut  vidimus,  titillabant  aures  simplicium:  ita  quotidie  nova  aliqua  spes  ipsis  offerebatur.  Quum  ergo  agitarentur  inter  spem  et  metum,  et  diabolus  spargeret  falsa  vaticinia,  quae  distraherent  vulgi  animos:  ideo  probabile  est  venisse  seniores  Israel,  et  fuisse  missos,  ut  inquirerent  de  prospero  vel  tristi  eventu  suae  captivitatis.  Veniunt  igitur  ad  prophetam.  Dicit  hoc  fuisse  factum  anno  septimo,  nempe  post  captum  Ioachim  vel  Iechoniam.  Numerarunt  enim  annos  ab  illa  mutatione:  et  merito.  Nam  debuit  tam  insignis  Dei  vindicta  assidue  in  memoriam  revocari.  Quanquam  altera  etiam  ratio  fuit,  quod  Deus  spem  aliquam  restitutionis  dabat.  Supputatio  igitur  annorum  quam  sumebant  Israelitae  ab  exsilio  regis  Ioachim,  habuit  duplicem  usum  et  finem,  primo  ut  iudicium  illud  Dei  maneret  defixum  in  eorum  animis:  rursum  ut  bona  spe  nihilominus  recrearent  suos  animos.  Ergo  quoties  annum  primum  vel  secundum  numerabant,  perinde  erat  ac  si  subiicerent  ante  suos  oculos  cladem  illam,  qua  Deus  testatus  fuerat  se  graviter  fuisse  offensum.  Sed  ab  altera  parte  erigere  debebant  animos  in  bonam  spem:  quia  si  prorsus  deletum  fuisset  regnum,  et  nulla  fuisset  addita  promissio,  quae  levaret  eorum  tristitiam,  supputatio  erat  supervacua,  ut  in  rebus  desperatis  non  numeramus  annos:  sed  quum  praefixi  essent  septuaginta  anni,  hoc  modo  alebant  et  fovebant  spem  suam,  quia  memoriam  renovarent  suae  liberationis,  quae  ipsis  promissa  fuerat  per  os  Ieremiae.  Nunc  ergo  tenemus  cur  simpliciter  vocet  annum  septimum.  Diem  quoque  et  mensem  designat.  Iam  loquutio  illa,  quam  notavi,  continet  utilem  doctrinam,  quod  scilicet  venerint  seniores  Israel  ad  Deum  rogandum,  et  sederint  coram  pro-