35:471  471  SERMON  CLVI  472  comprehensibles,  ses  voyes  ne  nous  sont  point  cognues.  Or  pource  qu'il  est  difficile  aux  hommes  de  se  tenir  coys,  quand  ils  oyent  ceste  doctrine:  comme  nous  voyons  ces  chiens  qui  abbayent  auiourd'huy  a  l'encontre:  ces  glorieux  belistres,  quand  ils  veulent  faire  des  docteurs,  ils  diront,  O  ie  ne  compren  point  cela.  Et  qui  es-tu  povre  chien?  Tu  ne  le  compren  pas?  Et  va-ten  sur  ton  fumier,  et  cognois  qui  tu  es.  D'autant  donc  qu'il  y  a  un  tel  orgueil  aux  hommes,  qu'ils  ne  se  peuvent  assuiettir  a  ceste  doctrine:  sainct  Paul  leur  allegue,  Et  qui  est-ce  qui  a  donne  a  Dieu?  Vous  venez  ici  avec  une  telle  audace,  vous  alleguez  vostre  vertu,  et  vostre  puissance:  il  faudra  donc  que  vous  ayez  monstre  a  Dieu  ce  qu'il  devoit  faire,  et  qu'il  n'eust  rien  fait  sinon  que  vous  l'eussiez  enseigne,  et  ainsi  qu'il  est  bien  tenu  a  vous.  Or  si  vous  pretendez  un  tel  titre  contre  luy:  venez,  et  qu'on  cognoisse  qui  c'est  qui  luy  a  donne?  Et  si  vous  cognoissez  qu'il  ne  tienne  rien  de  vous,  comment  oserez-vous  murmurer  contre  luy?  Or  puis  que  sainct  Paul  en  traitte  en  telle  sorte,  et  que  nous  cognoissons  son  intention  quant  a  l'election  eternelle  de  Dieu:  de  la  nous  avons  a  retenir,  que  c'est  un  des  principes  de  nostre  foy  de  cognoistre  que  Dieu  ne  tient  rien  de  nous:  et  que  nous  ne  pouvons  pas  mettre  en  avant  qu'il  ait  rien  receu  de  nostre  coste  :  afin  que  toute  la  gloire  luy  soit  donnee,  et  que  nous  ne  pensions  point  qu'il  nous  soit  inferieur,  ne  qu'il  ait  nulle  obligation  envers  nous.  Or  c'est  le  tout  de  savoir  bien  pratiquer  ceste  doctrine  :  sur  tout  quand  nostre  chair  nous  solicite  a  presomption  et  orgueil,  que  nous  ayons  ceste  bride  ici  pour  nous  retenir,  de  cognoistre,  Comment?  A  qui  te  prens-tu?  Car  il  faut  que  tu  ayes  de  quoy  pour  respondre  a  ton  Dieu  si  tu  le  veux  tirer  en  plaid  et  en  procez.  Et  qu'est  ce  que  tu  monstreras?  Puis  que  tu  n'as  sinon  toute  povrete  et  malediction  en  toy:  ne  faut-il  point  que  tu  te  submettes  a  luy  en  toute  obeissance  et  humilite?  Et  au  reste  notons  aussi,  que  par  ces  mots  toute  la  iustice  des  hommes  est  abbatue,  et  nous  est  monstre  que  ce  que  nous  pouvons  imaginer  des  merites  est  une  yvrongnerie  de  Satan,  lequel  a  ainsi  ensorcele  les  esprits  des  hommes  qui  ont  cuide  meriter  envers  Dieu,  tellement  que  le  royaume  de  paradis  fust  comme  un  salaire.  En  la  papaute  il  n'y  a  rien  plus  commun,  que  de  dire  que  les  hommes  peuvent  acquerir  paradis.  Et  comment?  par  leurs  oeuvres  meritoires.  Et  combien  que  les  Papistes  soyent  contraints  de  confesser,  que  nous  ne  pouvons  rien  sans  la  grace  de  Dieu,  et  que  nous  avons  tousiours  des  imperfections  en  nous:  toutes  fois  si  est-ce  qu'ils  meslent  les  oeuvres  avec  la  grace  de  Dieu.  Que  l'homme  se  prepare,  disent-ils,  pour  recevoir  grace:  non  point  de  dignite  (ils  sont  contraints  de  confesser  nostre  indignite)