20:471  471  EPISTOLAE  4196.4199  472  ment  on  ne  me  congnoit  pas  bien.  Tant  seulement  je  le  prie  et  autres  navoir  moindre  opinion  de  moy  que  jay  de  luy  et  d'eux.  Ce  que  je  nay  rescript  de  ma  part  plus  tost  cest  pour  le  premier  pource  que  je  ne  suis  ce  qu'on  me  faict  penser  qu'on  m'estime  et  quil  n'est  n'a  este  rien  de  cesi,  et  pource  que  aussi  que  estant  occupe  aux  affaires  et  travaux  qui  troys  mois  et  demye  ne  mont  donne  relasche  n'avois  tant  de  loisir  de  speculer  si  profondement.  Voila  Monsieur  mes  responces  desquelles  je  vous  prie  bien  fort  vous  vouloir  contenter  vous  advertissant  que  jay  autant  de  fascheries  et  afflictions  quil  m'est  possible  d'emporter  ne  devorer  et  de  mout  de  pars.  Quant  a  lautre  point  de  vos  letres  et  ce  galant  combien  que  je  nay  veux  le  commencement  de  la  tragedie  et  aye  trouve  les  choses  en  lestat  quon  scait  bien,  j'en  congnois  plus  que  vouldroye.  Pour  le  present  on  dict  quil  a  cesse  et  cerche  par  tout  moyen  entrer.  Dieu  congnoit  son  coeur  comme  des  autres.  De  ce  qu'il  accuse  lung  de  nous  avoir  faict  une  responce  de  anabaptiste  je  n'en  daignerois  noircir  le  papier  pour  me  justifier.  On  congnoit  long  temps  y  a  ma  doctrine.  Quant  a  monsieur  mon  compagnon  je  veux  maintenir  sa  doctrine  comme  la  mienne.  Je  voudroye  prier  a  tous  que  pourveu  qu'on  congnoit  le  monstre  decouvert  que  on  ne  print  point  de  prejudice  de  ses  monstrueuses  calomnies.  S'il  m'estoit  seulement  possible  de  remedier  au  mal  je  ne  dys  point  aussi  facile  quil  est  a  qui  il  plait  d'en  penser  juger  dire  et  opiner,  soies  certain  quil  fut  long  temps  y  a  suffocquent.  Mais  puis  que  ceux  qui  ont  estes  plus  habiles  que  moy  n'en  sont  venus  a  bout  je  ne  vois  autre  chose  sinon  que  me  gouverner  par  l'adresse  de  mon  seigneur  et  en  poursuivre  ma  vocation  me  contentant  de  son  tesmoignage  si  les  hommes  ne  se  veulent  contenter,  ce  que  je  nay  entrepris  vous  disant  a  dieu  auquel  je  prie  quil  vous  entretienne  longuement  avec  prosperite  en  son  service.  Vous  priant  faire  mes  humbles  recommandation  a  tous  messieurs  noz  freres  et  me  recommander  a  leurs  sainctes  et  bonnes  prieres  et  aux  vostres  desquelles  ayans  besoin  plus  que  jamais.  Ce  6.  de  Janvier  1560.  Le  vostre  humble  J.  joltrin.