9:470  Heshusio  non  placet,  qui  vult  ore  comedi,  nec  tamen  attingi  dentibus,  illosque  crasse  edendi  modos  valde  improbat.  Perinde  tamen  suum  illud  Asserimus  inculcat,  ac  si  procurator  esset  universitatis,  [pag.  16]  Et  tamen  bonus  Ihenae  alumnus  identidem  argutias,  sophismata,  imo  praestigias  mihi  exprobrat:  ac  si  quid  vel  flexiloquam  vel  ambiguum,  vel  quovis  modo  obscurum  esset  in  mea  loquendi  ratione.  Quum  substantialiter  Christi  carnem  et  sanguinem  nobis  offerri  et  exhiberi  in  coena  dico,  simul  modum  designo,  quod  1)  Christi  caro  nobis  sit  vivifica:  quoniam  Christus  incomprehensibili  spiritus  sui  virtute  ex  substantia  carnis  suae  vitam  in  nos  transfundat,  quae  illi  propria  est:  ut  ipse  in  nobis  vivat,  eiusque  vita  nobis  sit  communis.  Cui  persuadebit  Heshusius  in  hoc  tam  luculento  sermone  esse  ullum  sophisma,  ubi  et  populariter  loquor,  et  eruditis  auribus  satisfacio?  Tantum  facessant  futiles,  quibus  causam  obscurat,  calumniae,  de  re  mox  transactum  fuerit.  Postquam  omnes  suas  ampullas  efflaverit  Heshusius,  in  hoc  cardine  tota  vertitur  quaestio:  Tollatne  corporis  Christi  substantiam  e  sacra  coena  qui  negat  corpus  ipsum  ore  comedi?  Cominus  hominem  aggredior  aperto  marte,  qui  negat  substantiae  carnis  Christi  nos  fieri  participes,  nisi  eum  ore  comedamus.  Sic  enim  loquitur,  ipsam  quoque  substantiam  carnis  et  sanguinis  ore  hauriendam.  Ego  vero  communicationis  modum  definio  sine  ambagibus,  Christum  pro  immensa  et  admirabili  sua  potentia  efficere  ut  secum  in  eandem  vitam  coalescamus,  nec  tantum  applicare  nobis  passionis  suae  fructum,  sed  vere  nostrum  fieri,  ut  bona  nobiscum  sua  communicet,  ideoque  nos  sibi  coniungere,  sicut  membra  et  caput  corpus  unum  efficiunt.  Atque  hanc  unitatem  non  ad  essentiam  divinam  restringo,  sed  pertinere  affirmo  ad  carnem  et  sanguinem:  quia  non  simpliciter  dictum  sit.  Spiritus  [pag.  17]  meus  vere  est  cibus,  sed  caro  mea:  nec  simpliciter  etiam  dictum  sit:  Divinitas  mea  vere  est  potus,  sed  sanguis.  Ad  haec  carnis  et  sanguinis  communicationem  non  tantum  interpretor  de  communi  natura,  quod  Christus  homo  factus  iure  fraternae  societatis  nos  Dei  filios  secum  fecerit:  sed  distincte  affirmo,  quam  a  nobis  sumpsit  carnem,  eam  nobis  esse  vivificam,  ut  nobis  sit  materia  spiritualis  vitae.  Illamque  Augustini  sententiam  libenter  amplector:  Sicut  ex  costa  Adae  creata  fuit  Eva,  sic  ex  Christi  latere  fluxisse  nobis  vitae  originem  et  principium.  Etsi  autem  signum  discerno  a  re  signata,  non  tamen  trado  nudam  et  umbratilem  figuram  esse,  sed  articulate  pronuncio  panem  certum  esse  pignus  communicationis  cum  carne  et  sanguine  Christi  quam  figurat:  quia  Christus  ne-  1)  Sic  editiones  omnes.  Gallus  legit:  quo.  30*