7:470  se  illis  praeberet.  Istis  vero  magistris  opus  esset  boum  armento  :  1)  si  auditorium  habere  velint,  cui  persuadeant  quod  volunt.  Nunc  se  immediate  regi  a  spiritu  sancto  iactent:  quum  in  depravandis  scripturae  testimoniis  palam  sint  falsarii.  Ut  summam  colligamus:  quum  assidua  debeat  esse  inter  fideles  poenitentiae  meditatio,  rarum  nescio  quid  esse  imaginantur  sancti  patres.  Quum  scriptura  poenitentiam  pronunciet  totius  hominis  esse  innovationem,  quum  fontem  ipsum  designet  timorem  ex  vero  divini  iudicii  sensu  conceptum,  partes  enumeret  abnegationem  nostri  quae  constat  peccati  odio  nostraeque  pravitatis  displicentia  et  vitae  novitatem  aut  regenerationem  spiritus,  quae  nihil  aliud  est  quam  divinae  in  homine  imaginis  instauratio,  effectus  sedulo  notet,  totamque  eius  naturam  explicate  definiat  :  nihil  afferunt  venerandi  patres,  praeter  dilutas  naenias,  quibus  sub  papatu  adulterata  fuit  poenitentiae  doctrina.2)  Quae  ab  ecclesiasticis  doctoribus  de  externa  disciplina  dicta  sunt,  quae  ad  solennem  poenitentiae  professionem  spectabat:  ea  imperite  ad  spiritualem  renovationem  detorquent,  de  qua  sermonem  [pag.  220]  instituerant.3)  Ne  longior  sim  in  singulis  recensendis:  si  quis  praeclaram  eorum  lucubrationem  cum  scriptis  nostris  conferat:  conversam  ab  illis  lucem  fuisse  in  tenebras,  inveniet  ac  fatebitur.  Hactenus  dedi  operam,  ne  quid  accusatorium  continerent  meae  censurae.  Atque  id  animadvertent  aequi  lectores,  nihil  me,  nisi  coactum,  reprehendere.  Sed  nulla  est  sententia,  quae  non  mihi  plus  extorqueat,  quam  vellem.  Qualis  est,  quae  habetur  capite  decimo  sexto  :  Non  infidelitate  modo,  sed  quolibet  peccato  mortali,  amitti  iustificationis  gratiam.  Si  intelligerent,  eiici  nos  a  tanti  boni  possessione  per  malam  conscientiam,  minime  pugnarem:  nempe,  quoad  nos  attinet.  Tametsi  enim  non  abiicit  nos  Deus,  mala  tamen  conscientia  eiusmodi  inter  nos  et  ipsum  dissidii  causa  est,  ut  vivifica  illa  et  iustificatrice  paterni  erga  nos  [eius  amoris  notitia  minime  fruamur.  Sed  in  eo  primum  sunt  praeposteri,  quod  nullum  peccatum,  nisi  crassum  et  palpabile,  mortale  agnoscunt:  quum  pleraque  interiora  gravius,  ad  interitum  usque,  animos  vulnerent:  deinde  quod  bonam  conscientiam  non  intelligunt  individuam  esse  fidei  comitem.  Alioqui,  quomodo  staret  illud:  Fide  purificari  corda  (Act.  15,  9)?  Item:  Bonae  conscientiae  responsionem  esse  ex  fide  [pag.  221]  resurrectionis  (1  Petr.  3,  21).  Item:  Christum  fide  habitare  in  cordibus  nostris  (Ephes  1)  il  faudroit  qu'ilz  assemblassent  des  beufz  ou  des  asnes.  2)  messieurs  les  cornuz  ne  mettent  rien  en  avant  que  des  badinages  ausquelz  les  eaphardz  amusent  le  simple  peuple  ea  la  papaute.  3)  Add.  qui  est  sauter  du  coq  a  l'asne.  30*