55:470  colligimus,  semper  fuisse  impuros  homines  qui  nomen  libertatis  falso  obtenderent:  atque  hanc  vetustam  fuisse  Satanae  fraudem:  ne  miremur  hodie  eandem  a  fanaticis  hominibus  Camarinam  moveri.  Quod  autem  papistae  hunc  adversus  nos  locum  torquent,  in  eo  ridiculam  suam  impudentiam  produnt.  Primum  enim  spurcissimae  vitae  homines  ex  suis  foetidis  popinis  et  lupanaribus  hoc  convitium  eructant,  quod  simus  corruptionis  servi,  quorum  in  vita  nullum  probrum  notare  queunt.  Deinde  quum  de  libertate  christiana  nihil  tradamus  nisi  a  Christo  et  apostolis  sumptum,  et  interea  carnis  mortificationem  veraque  eius  domandae  exercitia  multo  severius  exigamus  quam  illi  ipsi  qui  nos  infamant:  sua  maledicta  non  tam  in  nos  evomunt,  quam  in  filium  Dei  quem  habemus  certum  autorem.  A  quo  enim  quis.  Sumpta  est  haec  sententia  ex  iure  militari  :  sed  tamen  hoc  profanis  quoque  scriptoribus  tritum  est,  nullam  esse  magis  duram  aut  miseram  servitutem,  quam  ubi  regnant  libidines.  Quid  ergo  nobis  agendum  est,  quibus  ideo  spiritum  suum  contulit  filius  Dei,  ut  non  modo  emancipemur  a  peccati  imperio,  sed  carnis  etiam  et  mundi  simus  victores  ?  20.  Nam  si  ii  qui  aufugerant  ab  inquinamentis  mundi  per  cognitionem  Domini  et  servatoris  Iesu  Christi,  rursum  iisdem  impliciti  superantur:  facta  sunt  illis  postrema  peiora  prioribus.  21.  Melius  enim  ipsis  esset  non  cognovisse  viam  iustitiae,  quam  ubi  cognoverunt,  converti  ab  eo,  quod  illis  traditum  fuit,  sancto  praecepto.  22.  Sed  accidit  illis  quod  vero  proverbio  dicitur,  canis  reversus  ad  proprium  vomitum:  et,  sus  lota,  ad  volutabrum  coeni.  20.  Nam  si  ii,  ete.  Iterum  ostendit  quam  perniciosa  sit  haec  secta  quae  homines  Deo  consecratos  ad  pristinam  immunditiem  et  mundi  corruptelas  retrahit.  Ac  mali  gravitatem  comparatione  exaggerat  :  quia  non  vulgare  sit  crimen  defectio  a  sancta  Dei  institutione.  Praestaret,  inquit,  nunquam  novisse  iustitiae  viam.  Nam  etsi  nulla  est  ignorantiae  excusatio:  servus  tamen  qui  sciens  ac  volens  contemnit  Domini  mandata,  duplicem  poenam  meretur.  Huc  accedit  ingratitudo,  quod  sponte  lucem  Dei  exstingunt,  abiiciunt  gratiam  sibi  datam,  excusso  iugo  contumaciter  adversus  Deum  lasciviunt:  imo  quantum  in  se  est,  inviolabile  Dei  foedus,  ac  sancitum  Christi  sanguine,  profanant  et  abrogant.  Quo  magis  intentos  esse  nos  decet  ut  reverenter  et  sollicite  in  cursu  vocationis  nostrae  pergamus.  Iam  singulas  partes  proprius  expendere  operae  pretium  est.  Quum  i  n  q  u  i  n  a  m  e  n  t  a  m  u  n  d  i  nominat,  nos  in  sordibus  volutari,  totosque  esse  pollutos  docet,  donec  mundo  renuntiemus.  Per  c  o  g  n  i  t  i  o  n  e  m  C  h  r  i  s  t  i  ,  non  dubium  est  quin  evangelium  in-  30*