47:470  voyons  qu'il  nous  faut  entendre  que  Dieu  s'est  fait  comme  petit,  pour  se  declarer  a  nous.  Et  qu'ainsi  soit,  comment  seroit-il  possible  d'exprimer  que  c'est  de  la  Maieste  de  Dieu,  en  parlant  le  langage  des  hommes?  N'est-ce  point  une  mesure  trop  inegale,  que  ceste-la?  S.  Iehan  donc,  combien  qu'il  soit  instrument  du  S.  Esprit,  ne  parle  point  de  ces  choses  en  leur  grandeur:  et  neantmoins  il  parle  d'un  langage  qui  nous  est  comme  incognu.  Et  pourtant  il  faut  conclure  que  les  secrets  qui  sont  yci  contenus,  ne  sont  point  declarez  si  ouvertement  que  nous  les  puissions  comprendre,  comme  nous  comprenons  les  choses  de  ce  monde:  mais  contentons-  nous  de  ce  qui  nous  y  est  monstre  simplement.  Car  nostre  Seigneur  a  cognu  ce  qui  estoit  suffisant  pour  nostre  bien:  il  s'est  accommode  a.  nous  et  a  nostre  infirmite,  en  telle  sorte  que  cependant  il  n'a  rien  oublie  ne  laisse  derriere  qui  nous  fust  bon  et  profitable.  Ainsi  apprenons  de  nous  tenir  a  ceste  purete  et  simplicite  de  sa  doctrine,  voyans  comme  le  monde  en  cest  endroit  a  este  abuse  par  folles  imaginations,  et  speculations  vaines,  et  par  une  audace  diabolique.  Car  quand  il  a  este  question  de  traitter  de  ces  choses,  les  hommes  se  sont  abysmez,  d'autant  qu'ils  ont  voulu  outre  la  revelation  de  la  doctrine,  avec  une  curiosite  et  audace,  enquerir  l'essence  eternelle  de  Dieu,  comme  on  orra  en  la  Papaute  des  disputes  qui  en  sont  la  faites,  tout  ainsi  que  si  on  disputoit  d'un  troupeau  de  chevres,  ou  de  ie  ne  scay  quoy.  Ils  n'ont  nulle  reverence  a  Dieu,  non  plus  qu'a,  une  beste.  Or  il  ne  faut  point  chercher  meilleur  tesmoignage  contre  la  doctrine  des  sophistes  de  Sorbone  pour  cognoistre  que  le  diable  y  regne,  et  y  a  regne  tousiours.  Ie  di  qu'encores  que  leur  doctrine  ne  fust  point  fausse,  si  est-ce  que  quand  on  voit  qu'ils  ont  tant  peu  de  reverence  a  la  maieste  de  Dieu,  il  faut  bien  dire  que  c'est  une  doctrine  diabolique  que  celle  qui  est  auiourd'huy  prattiquee  par  les  Sophistes  et  Sorbonistes  en  tous  les  colleges  du  Pape.  Ainsi  donc,  (comme  i'ay  dit)  contentonsnous  de  ceste  simplicite  qui  nous  est  monstree  par  le  sainct  Esprit:  car  il  touche  ce  qui  est  bon  et  utile  pour  nostre  salut.  Et  comme  i'ay  desia  declare,  il  nous  a  yci  apporte  ce  qui  nous  estoit  convenable  de  cognoistre.  Venons  maintenant  a  ce  mot  de  Parolle.  Quand  S.  Iehan  appelle  Iesus  Christ  la  Parolle,  c'est  comme  s'il  disoit,  Le  conseil  eternel  de  Dieu,  ou  la  sagesse  qui  reside  en  luy.  Toutesfois  il  nous  faut  noter  que  Dieu  n'est  point  semblable  aux  hommes.  Quand  nous  avons  un  conseil:  il  pourra  changer,  mais  il  n'est  pas  ainsi  de  Dieu:  car  ce  qui  est  en  Dieu,  est  immuable.  Apres,  le  conseil  que  nous  avons  n'est  point  nostre  essence  mesme:  mais  le  conseil  qui  est  en  Dieu,  il  est  vrayement  30*