35:470  bien  ils  recourent  a  Dieu,  et  le  prient  qu'il  les  restaure:  puis  qu'ainsi  est,  qu'ils  sont  despouillez  de  toute  gloire,  et  qu'ils  n'ont  en  eux  que  confusion.  Quand  nous  aurons  apprins  ceste  doctrine,  que  nul  ne  peut  subsister  devant  Dieu:  que  nous  recognoissons  qu'il  n'y  a  en  nous  que  toute  puantise  et  ordure:  que  ce  que  nous  cuidons  avoir  d'apparence,  n'est  rien  que  vanite:  et  que  toute  ceste  opinion  que  nous  aurons  conceue,  nous  trompe:  quand  donc  cela  nous  sera  bien  persuade,  alors  Dieu  nous  esievera:  et  nous  tiendrons  tout  de  luy  et  de  sa  pure  grace,  pour  le  glorifier  comme  Pere,  et  comme  celuy  qui  nou3  l'a  donne,  voire  sans  y  estre  tenu,  sans  qu'il  trouvast  en  nous  aucun  merite.  Et  c'est  le  principe  general  de  nostre  foy,  qu'il  faut  que  toute  chair  se  taise  devant  luy:  et  que  nous  cognoissions  que  s'il  y  a  quelque  verdure  en  nous,  nous  serons  tantost  flestris:  il  ne  faut  sinon  qu'il  souffle  sur  nous,  et  nous  voila  escoulez  sans  vigueur  ne  vertu:  toute  nostre  iustice  n'est  que  malediction.  Voila,  di-ie,  le  principe  general  de  nostre  foy,  afin  que  ceste  grace  qui  nous  est  manifestee  en  nostre  Seigneur  Iesus  Christ  soit  cognue,  et  que  nous  y  ayons  nostre  refuge,  et  que  nous  n'attendans  ni  commencement  ni  perfection  de  nostre  salut,  sinon  en  ce  qu'il  plaist  a  Dieu,  de  besongner  gratuitement:  c'est  a  dire  sans  que  nous  l'y  obligions  de  nostre  coste,  ou  que  noua  luy  apportions  rien  qui  soit  du  nostre.  Et  voila  pourquoy  il  adiouste  notamment,  Qui  est-ce  qui  me  previendra,  et  ie  luy  satisferay  ?  Comme  s'il  disoit,  que  si  nous  voulons  plaider  contre  luy,  il  faut  qu'il  nous  doive,  qu'il  soit  oblige  envers  nous,  que  nous  ayons  quelque  droit  et  quelque  titre.  Et  ou  se  trouvera  l'homme  qui  apportera  son  titre  contre  Dieu,  pour  dire  qu'il  luy  soit  tenu?  Mais  nous  voyons  au  contraire,  que  nous  tenons  tout  de  luy,  et  qu'il  ne  nous  doit  rien  de  son  coste:  cependant  encores  sommes  nous  si  obstinez  de  vouloir  contester  contre  luy.  Or  que  ceci  s'estende  en  general,  pour  nous  apprendre  qu'il  nous  faut  humilier  sous  la  main  de  Dieu  voire  le  confessans  et  sage,  et  iuste,  et  puissant  quoy  qu'il  face:  sainct  Paul  le  monstre  en  l'onzieme  des  Romains  (  l  l  ,  35).  Car  combien  qu'il  n'allegue  point  ce  passage  comme  tire  de  l'Escriture  saincte:  si  est-ce  qu'il  recite  ceste  doctrine.  Et  a  quel  propos?  La  il  traitte  de  l'election  gratuite  de  Dieu:  il  monstre  que  Dieu  choisist  ceux  que  bon  luy  semble  pour  estre  heritiers  de  la  vie  eternelle:  qu'il  reprouve  aussi  ceux  qu'il  veut.  Si  on  luy  demande  la  raison  pourquoy,  ce  n'est  pas  a  nous  de  la  savoir,  et  ne  nous  est  point  licite  de  nous  enquerir  plus  outre,  sinon  que  sa  volonte  nous  doit  estre  pour  toute  raison:  non  pas  qu'il  face  rien  iniustement:  mais  tant  y  a  que  les  secrets  de  son  conseil  nous  sont  cachez  et  in-  30*