20:470  (Autographo  sans  adresse.  Bibliotheque  de  Geneve  MS.  121,  fol.  10.  Nous  n'avons  rien  trouve  ni  sur  l'auteur  de  cette  lettre  ni  sur  le  personnage  dont-il  y  est  parle.  Aussi  ne  Finserons-nous  ici  que  cour  ne  pas  omettre  une  piece  qui  pourrait  avoir  ete  destinee  a  Calvin.)  Treshonore  Seigneur  et  frere.  Jay  leu  voz  letres  donnees  le  16  de  decembre  esquelles  excusies  nostre  tardivete  a  respondre  a  certaines  autres  que  nous  avies  envoyees,  parce  que  au  mois  de  Juillet  tous  deux  vous  avions  escript.  Et  en  mes  letres  avies  trouve  qui  vous  faisoit  souppeconner  ou  penser  que  je  fusse  divise  ou  me  mescoutasse  ou  accusasse  la  doctrine  de  Mr.  de  rochart.  Il  vous  plaira  me  pardonner,  mon  jntention  n'a  pas  este  telle  et  n'en  suis  ou  vous  penses.  Mais  jay  bien  voulu  et  vueil  tousiours  maintenir  lhonneur  de  mon  ministere  et  ma  fidelite.  Or  on  nous  avoit  escript  des  letres  communes  a  Monsieur  mon  compagnon  et  a  moy:  aux  unes  on  nous  condamnoit  nimiae  facilitatis,  imo  negligentiae,  imo  socordiae:  voila  les  motz.  Aux  aultres  plus  couvertement  on  nous  vouloit  faire  a  croire  (je  ne  scay  qui  meine  ceste  practique)  que  l'eglise  estoit  en  partie  dissipee  et  en  grand  hazart  d'estre  totalement  ruine,  et  ce  par  nostre  laschete.  Or  de  ma  part  jay  bien  voulu  donner  a  entendre  que  combien  que  devant  moy  on  eut  travaille  que  je  n'estoye  si  lasche  ny  despourveu  de  moyen  que  comme  ung  chien  muet  je  voulu  laisser  perir  le  troupeau,  que  je  navoye  assemble,  faute  de  pasture  ou  diligence.  Et  que  comme  ceux  qui  escrivoient  aussi  en  conscience  que  moy  aussi  pareillement  que  s'il  y  avoit  quelque  refroidissement  que  ce  n'estoit  de  ma  faute:  mais  la  continuelle  jmpression  de  la  croix  et  des  dangers  qui  se  monstroient  plus  qu'au  paravant  disant  que  je  les  trouvoye  nouveaux  en  ceste  endroit,  ce  que  je  fais  encores  de  present  et  n'estoit  mon  but  d'en  remettre  la  coulpe  sur  M,  de  Bochart  aultrement  je  ne  leusse  charge  seul  mais  ensemble  monsieur  mon  compagnon  qui  nha  telle  soupecon  de  moy  et  avec  lequel  je  suis  de  bon  accord  par  la  grace  du  seigneur.  Que  si  luy  ou  autre  a  jnterprete  mon  dire  autrement  que  ne  lay  entendu  je  n'en  scaurois  que  faire.  Au  surplus  Dieu  ne  m'a  tant  delaisse  que  par  methodes  ny  choses  plus  grandes  je  me  volu  ne  diviser  ne  bouder  ne  monstrer  signes  de  telles  choses  singulierement  devant  les  jnfirmes.  Et  de  fait  on  scait  en  quel  honneur  et  reverence  jay  parle  et  de  luy  et  de  sa  doctrine  et  en  publique  et  en  particulier.  Et  comme  je  me  suis  employe  ad  ce  que  bon  tesmoignage  luy  fut  rendu  estant  fasche  par  celuy  que  vous  n'ignores  point.  Ce  que  je  neusse  faict  si  jeusse  tenu  sa  doctrine  telle  que  je  ne  luy  voulusse  soubscrire,  non  pas  que  je  leusse  ouye  mais  par  raport  fidele.  Or  si  on  estime  que  je  soye  si  variable  que  por  changer  d'opinion  si  legierement  sans  scavoir  com-  30��