8:47  47  DE  SCANDALIS.  48  integram  illi  servemus  coniugii  fidem,  in  primis  cavendum  esse,  ne  suis  lenociniis  nos  corrumpat  Satan  :  nam  si  aliquod  iam  impudicitiae  signum  dedisse  videtur,  quae  lenoniis  illecebris  aurem  praebuit  mulier  :  parum  castas  esse  animas  apparet,  quibus  ad  perfidam  defectionem  sollicitari  dulce  est.  Non  absimilis  est  errorum  omnium  ratio.  Labascit  multorum  fides:  alii  etiam  prorsus  ab  evangelio  desciscunt,  quia  erroris  segetem  esse  coniiciunt.  Quasi  vero  a  terrae  cultura  et  satione  quisquam  abhorreat,  quia  purum  semen  in  lolium  saepe  degenerat.  Ne  quem  percelleret  rei  novitas,  admonuit  Christus  hoc  futurum  (Matth.  13,  24).  Tametsi  enim  hypocritas  illic  zizaniis  comparat,  tritico  veros  ac  germanos  Dei  filios:  hanc  tamen  usitatam  Satanae  fraudem  esse  ostendit,  corrumpere  quibuscunque  potest  modis  et  vitiare  coeleste  Dei  semen,  ne  ad  frugem  perveniat.  Mundum  instar  deserti  et  inculti  agri  scimus  diu  iacuisse  sterilem:  nunc  evangelii  doctrinam  seminavit  Deus  per  suos  ministros.  Miramur  si  Satan  quascunque  potest  errorum  corruptelas  misceat?  Et  quae  non  statim  a  primo  evangelii  exortu  falsorum  dogmatum  plaustra  invexit?  Omitto  innumeram  multitudinem.  Sed  Valentini,  Montani  et  Manichaeorum  deliriis  quid  magis  prodigiosum  fingi  potest?  Perquam  vero  ridiculum  est,  eos  qui  evangelii  -lucem  tam  densis  tenebris  non  fuisse  exstinctam  miraculi  loco  ducunt,  vim  eius  contra  "  tot  machinas  *)  stetisse  invictam  cum  plausu  audiunt,  quia  nunc  quoque  mendacii  tenebras  offundat  Satan,  evangelii  doctrinae  infensos  reddi.  Verum,  quia  ad  hunc  scopulum  variis  modis  impingitur,  breviter  ostendam  nullam  esse  offensionis  speciem,  in  quam  non  sponte  vel  socordia,  vel  alio  proprio  vitio  singuli  incurrant.  Qui  simpliciter  [pag.  58]  unum  hoc  obtendunt,  sectas  ex  evangelii  doctrina  pullulare,  hi  partim  qualemcunque  praetextum  captant,  partim  nimia  levitate  mali  causam  in  evangelium  transscribunt,  quae  alibi  residet.  Quisquis  aperire  oculos  dignabitur,  evangelium  perspiciet  non  modo  puram  ac  liquidam  esse  Dei  veritatem,  sed  optimum  sanctae  unitatis  vinculum.  Nunc  si  contra  insurgit  Satan,  ut  hanc  lucem  errorum  nebulis  obscuret,  ac  unitatem  laceret,  in  quam  coalescunt  filii  Dei,  officium  ille  suum  facit.  Est  enim  et  mendacii  pater,  et  dissidiorum  omnium  autor  atque  artifex.  Nostrum  ergo  erat  eo  intentius  in  quaerenda  veritate  laborare,  inventam  constantius  amplecti.  Non  modo  abstinent  isti  ab  omni  eiusmodi  studio,  ac  refugiunt:  sed  hunc  defensionis  clypeum  opponunt  Deo,  ne  obedire  eius  imperio  cogantur.  Alii  tametsi  data  opera  non  quaerunt  quomodo  repudient  sanam  doctrinam,  quum  tamen  levi  occasionis  aura  perciti  resiliunt,  nihil  habent  iustae  excusationis.  1)  si  grans  heurts.