58:47  47  TROISIEME  SERMON  48  ait  des  troubles.  Et  cela  nous  est  monstre  en  Rebecca,  quand  elle  dit.  Si  ainsi  est,  pourquoy  est-ce  que  ie  vi  ?  Elle  desire  la  mort,  et  toutesfois  c'est  la  mere  des  fideles:  elle  represente  l'Eglise.  Or  si  cela  a  este  en  celle  qui  portoit  en  son  ventre  l'esperance  du  salut  du  monde,  que  sera-ce  de  nous?  Ainsi,  attendu  que  nous  avons  nos  esprits  tant  agiles  a  concevoir  des  folies  et  vanitez,  et  puis  tant  prompts  aussi  a  nous  ietter  hors  des  gons,  et  en  fin  tant  suiets  a  nous  despiter  contre  Dieu:  d'autant  plus  nous  faut-il  cercher  le  remede.  Or  il  nous  est  ici  donne  en  Rebecca:  car  elle  ne  se  nourrit  point  en  sa  tristesse,  elle  ne  ronge  point  son  frein,  comme  beaucoup  qui  se  accroupissent  la,  et  qui  ne  cerchent  point  le  moyen  d'avoir  dequoy  pour  les  contenter,  ne  de  se  rendre  tranquiles  et  se  tenir  cois  :  mais  ils  s'esgarent  en  euxmesmes,  et  adioustent  tousiours  fantasies  sur  fantasies,  et  se  plongent  si  avant  en  leurs  imaginations,  que  le  diable  puis  apres  les  possede,  et  les  pousse  en  toute  impetuosite  et  furie  a  l'encontre  de  Dieu.  Rebecca  n'en  fait  pas  ainsi:  mais  quand  elle  sent  que  ceci  lui  est  une  angoisse  insupportable,  elle  se  retire  a  Dieu,  elle  s'enqueste  de  lui:  et  la  response  lui  a  este  quant  et  quant  donnee.  Elle  a  donc  dequoy  se  reposer,  quand  elle  cognoit  que  le  bon  plaisir  de  Dieu  est  tel,  et  qu'elle  vit  Voila  qu'il  demande  :  et  que  l'un  de  ses  propres  enfans  sera  retrenche  de  l'Eglise,  et  que  l'autre  sera  reserve,  cognoissant  cela,  il  faut  qu'elle  y  acquiesce,  et  qu'elle  s'y  assuiettisse  :  ce  qu'elle  fait.  Car  elle  ne  se  rebecque  point  contre  Dieu,  et  nous  ne  lisons  pas  aussi  que  depuis  ce  temps  la  elle  ait  murmure  :  mais  nous  voions  que  elle  escoute  Dieu  :  et  a  enfante  puis  apres,  et  tousiours  s'arreste  a  ce  qui  lui  a  este  dit,  et  addonne  son  courrage  et  affection  a  Iacob.  Et  pourquoy?  D'autant  qu'elle  sait,  qu'il  a  este  ordonne  de  Dieu  pour  estre  la  semence  benite,  qu'elle  avoit  esperee:  tellement  qu'elle  se  porte  beaucoup  plus  vertueusement  en  cest  endroit,  que  son  mari  Isaac.  Or  ceci  est  pour  nous  monstrer  que  quand  nous  sommes  en  quelque  trouble,  il  nous  faut  incontinent  recourir  a  Dieu.  Car  noz  esprits  ne  sont  pas  suffisans  pour  cognoistre  les  choses  cachees:  et  mesme  nous  voions  qu'en  ce  qui  sera  le  plus  facile  du  monde  (ce  nous  semblera)  nous  serons  quelquefois  ravis  en  estonnement.  Que  sera-ce  donc,  quand  il  sera  question  des  iugemens  de  Dieu,  qui  sont  incomprehensibles,  et  qui  sont  d'une  matiere  si  haute  et  si  profonde,  que  le  S.  Esprit  nous  enseigne  qu'il  nous  les  faut  adorer,  au  lieu  de  nous  en  enquerir  trop  curieusement?  Faudra-il  que  les  hommes  presument  de  leur  raison,  et  qu'ils  se  fondent  sur  ce  que  bon  leur  semblera,  et  qu'ils  examinent  tout  a