56:47  47  GENESE.  48  iray:  car  tu  as  cognu  mon  service,  duquel  ie  t'ay  servi.  27.  Et  Laban  luy  respondit,  Ie  te  prie  que  ie  trouve  grace  devant  toy.  Fay  apperceu  que  l'Eternel  m'a  benit  au  moyen  de  toi.  28.  Estiniemoy  ton  salaire,  et  ie  te  le  bailleray.  29.  Et  ii  luy  respondit,  Tu  cognois  comment  ie  t'ay  servi,  et  quel  a  este  ton  acquest  avec  moy.  30.  Car  tu  avois  peu  avant  que  ie  veinsse,  mais  il  est  acereu  grandement  :  et  si  l'Eternel  t'a  benit  a  mon  entree  :  et  maintenant  quand  en  feray-ie  autant  pour  ma  maison?  31.  Et  il  luy  dit,  Que  te  donneray-ie?  Et  Iacob  respondit,  Tu  ne  ma  donneras  rien,  si  tu  veux  faire  ceste  chose-ci:  encore  ie  paistray  et  garderay  tes  brebis.  32.  Que  ie  passe  auiourd'huy  parmi  tout  le  troupeau,  separant  d'illec  toutes  les  brebis  piccotees  et  tachetees,  et  tous  les  roux  d'entre  les  agneaux:  pareillement  les  tachetees  et  piccotees  d'entre  les  chevres:  et  cela  me  sera  pour  salaire.  33.  Et  d'ici  en  la  ma  loyaute  testifiera  pour  moy,  et  viendra  en  avant,  pour  mon  loyer  en  ta  presence.  Ainsi  tout  ce  qui  ne  sera  point  trouve  piccote  ou  tachete  entre  les  chevres,  et  roux  entre  les  agneaux,  le  larrecin  sera  sur  moy.  34.  Lors  Laban  dit,  Voici,  ie  souhaitte  qu'il  soit  fait  selon  ta  parole.  35,  Et  en  ce  iour-la  il  separa  les  boucs  marquez  et  tachetez,  et  toutes  les  chevres  marquees  et  tachetees:  tout  ce  en  quoy  estoit  blancheur,  et  tout  ce  qui  estoit  roux  entre  les  agneaux  ;  puis  les  bailla  en  la  main  de  ses  fils.  36.  Et  interposa  chemin  de  trois  iours  entre  soy  et  Iacob.  Et  Iacob  paissoit  le  residu  du  bercail  de  Laban.  37.  Iacob  donc  preint  des  verges  verdes  de  peuplier,  de  coudrier  et  de  chastaignier,  et  pela  les  escorses  blanches,  descouvrant  le  blanc  qui  estoit  sur  les  verges.  38.  Et  mit  les  verges  qu'il  avoit  pelees  dedans  les  auges  aux  guais  des  eaux,  auxquels  venoyent  les  brebis  pour  boire,  l'une  vis  a  vis  de  l'autre,  afin  qu'elles  entrassent  en  chaleur  quand  elles  viendroyent  boire.  39.  Es  les  brebis  s'eschauffoyent  pres  des  verges,  et  agneloyent  des  brebis  marquees,  piccotees  et  tachetees.  40.  Iacob  donc  separa  les  agneaux,  et  les  mit  devant  les  brebis  marquees,  et  tout  ce  qui  estoit  roux  au  troupeau  de  Laban:  et  posa  son  parc  a  part-soy,  et  ne  le  mit  point  aupres  du  troupeau  de  Laban.  41.  Et  quand  les  brebis  hastives  venoyent  en  chaleur,  Iacob  mettoit  les  verges  dedans  les  auges  devant  les  yeux  du  bercail,  afin  qu'elles  conceussent  en  regardant  les  verges.  42.  Mais  quand  les  brebis  estoyent  tardives,  il  ne  les  mettoit  point.  Et  les  tardives  appartenoyent  a  Laban,  et  les  hastives  a  Iacob.  43.  Ainsi  cest  homme  fut  enrichi  tres  grandement:  et  eut  gros  troupeaux,  chambrieres  et  valets,  chameaux  et  asnes.