54:47  47  SERMON  IV  48  quand  Dieu  nous  a  donne  la  cognoissance  de  sa  verite,  c'est  autant  comme  si  desia  il  nous  avoit  declare  que  nous  appartenons  a  son  heritage  celeste,  qu'il  nous  veut  avoir  des  siens,  et  de  son  troupeau.  Quand  nous  aurons  cela  bien  persuade  et  resolu  en  nous,  alors  nous  ne  douterons  point  de  cheminer  tousiours,  et  poursuivre  nostre  train,  car  nous  serons  sous  sa  protection.  Et  puis  qu'il  est  fort  pour  surmonter  tous  nos  ennemis,  nostre  salut  est  en  bonne  garde.  Ne  craignons  point  donc  que  voyans  nostre  infirmite  nous  attendions  que  Dieu  y  pourvoyera,  puis  qu'il  promet  de  nous  assister.  Or  ceci  a  besoin  d'estre  medite  :  appliquons-y  donc  nostre  estude,  et  advisons  de  recevoir  ce  qui  nous  y  est  dit.  Car  il  ne  faudra  point  puis  apres  longue  rhetorique  pour  nous  fortifier  contre  les  tentations,  quand  nous  aurons  ceci  tout  conclud,  que  nostre  Seigneur  parfera  nostre  salut  comme  il  l'a  commence,  voire  nous  assistant  au  milieu  des  persecutions,  en  sorte  que  nous  aurons  constance  pour  les  surmonter,  et  qu'il  nous  fera  triompher  contre  tous  nos  ennemis,  combien  que  selon  le  monde  nous  soyons  comme  foullez  au  pied,  voire  abysmez  du  tout.  Mais  il  nous  faut  venir  a  ceste  declaration  que  sainct  Paul  adiouste  touchant  le  salut  dont  nous  avons  parle,  et  de  la  vocation  saincte.  Il  dit  que  cela  n'est  point  selon  nos  oeuvres,  mais  selon  le  propos  de  Dieu,  et  sa  grace.  Par  ceci  il  nous  veut  mieux  admonester,  monstrant  que  nostre  ingratitude  sera  tant  plus  a  condamner,  de  ce  que  Dieu  a  ouvert  les  thresors  inestimables  de  sa  bonte  envers  nous.  Car  il  n'a  point  eu  esgard  a  nos  oeuvres,  ni  a  nostre  dignite,  quand  il  nous  a  appelez  a  salut:  ii  a  fait  cela  de  sa  pure  grace.  Voila  pourquoy  il  nous  a  attirez  a  soy.  Et  tant  moins  d'excuse  aurons-nous  quand  nous  luy  fausserons  la  foy,  veu  que  non  seulement  nous  avons  este  acquis  par  le  sang  de  nostre  Seigneur  Iesus  Christ  son  Fils  unique,  mais  qu'il  a  eu  le  soin  de  nostre  salut  devant  la  creation  du  monde.  Notons  bien  donc  que  sainct  Paul  condamne  ici  nostre  ingratitude,  si  nous  sommes  desloyaux  a  nostre  Dieu,  et  que  nous  ne  tenions  point  bon  pour  rendre  tesmoignage  a  son  Evangile,  quand  il  nous  a  appelez  a  cela.  Pourquoy?  Nous  ne  sommes  point  sauvez  selon  nos  oeuvres  (dit-il),  mais  selon  le  propos  de  Dieu.  Or  pour  mieux  exprimer  ce  propos  gratuit,  sainct  Paul  adiouste  que  cela  nous  a  este  donne  devant  tous  temps,  devant  que  le  monde  ait  eu  son  cours,  et  son  origine:  mais  maintenant  il  nous  a  este  revele  (dit-il)  a  la  venue  de  nostre  Seigneur  Iesus  Christ:  quand  ce  grand  Sauveur  est  apparu,  la  grace  qui  estoit  cachee  au  paravant,  voire  incomprehensible  du  tout  au  sens  humain,  a  este  comme  mise  eu  clarte.  Et  pourquoy?  Car  le  Fils  de  Dieu  ayant