53:47  47  SERMON  IV  48  Sainct  Paul  adiouste  quant  et  quant,  que  la  Loy  est  bonne,  voire  si  on  en  use  legitimement.  C'est  suyvant  le  propos  qui  a  este  touche  ce  matin.  Car  il  avoit  debat  avec  ceux  qui  estoyent  a  demi  Iuifs  et  a.  demi  Chrestiens:  et  pour  se  faire  valoir,  et  pour  acquerir  quelque  faveur  et  reputation,  faisoyent  ombre  de  la  Loy.  Sainct  Paul  y  avoit  este  enseigne  des  son  enfance,  comme  nous  scavons,  et  y  estoit  assez  exerce:  mais  il  voyoit  bien  que  ceuxci  avoyent  perverti  et  corrompu  la  Loy  de  Dieu:  pource  qu'il  n'estoit  point  question  de  chercher  la  ni  doctrine  de  salut,  ni  regle  de  bien  vivre  et  sainctement:  mais  des  speculations  vaines  et  inutiles.  Sainct  Paul  eust  bien  fait  du  subtil  quant  et  quant  s'il  eust  voulu:  mais  c'eust  este  faire  d'un  diable  deux,  que  cela.  Il  ne  faut  point  que  nous  entrions  en  telles  contentions  pour  scavoir  quel  sera  le  plus  fort,  et  qui  l'emportera.  Car  cependant  que  la  parole  de  Dieu  seroit  tiree  comme  par  les  cheveux,  tout  seroit  prophane.  Ainsi,  sainct  Paul  voyant  que  ceux-ci  faisoyent  bouclier  du  nom  et  du  titre  de  la  Loy,  n'a  pas  voulu  faire  le  semblable:  mais  il  les  a  rembarrez,  leur  monstrant  qu'il  n'estoit  ennemi  de  la  Loy.  Et  puis  il  adiouste  que  tant  s'en  faut  qu'il  pretende  d'abolir  la  Loy  donnee  par  Moyse,  que  plustost  il  l'approuve  par  sa  doctrine:  car  tout  ce  qu'il  presche,  est  conforme  pleinement  a  la  Loy,  et  s'y  accorde  tresbien.  Voila  en  somme  ce  que  sainct  Paul  dit.  Or  pour  mieux  entendre  la  deduction  du  propos,  il  dit  pour  le  premier,  que  la  Loy  est  bonne,  voire  si  on  en  use  legitimement.  Ce  mot  de  Loy  et  legitimement,  ont  conformite  ensemble:  comme  s'il  disoit.  La  regle  est  bonne,  voire  si  elle  demeure  reguliere:  mais  si  un  homme  desregle  met  en  avant  ce  mot  de  regle,  c'est  une  pure  moquerie.  Pourtant  qu'on  cognoisse  quel  est  l'usage  de  la  Loy  (dit  sainct  Paul),  car  nous  ne  sommes  point  en  dispute  s'il  nous  faut  tenir  la  Loy  de  Dieu:  cela  doit  estre  conclu  entre  nous.  Quoy  donc?  Que  nous  scachions  quel  est  l'usage  naturel.  Voila  l'intention  de  sainct  Paul  Lequel  adiouste  quant  et  quant,  que  la  Loy  riest  pas  donnee  aux  iustes.  Que  ne  la  font-ils  servir  comme  il  appartient?  Car  la  Loy  de  Dieu  est  comme  une  bride  pour  retenir  nos  cupiditez  meschantes.  Voila  les  hommes  qui  sont  comme  bestes  sauvages,  ils  taschent  la  bride  a  leurs  appetits:  l'un  est  contempteur  de  Dieu,  l'autre  est  prophane,  ne  scachant  que  c'est  de  vraye  religion:  l'autre  est  desborde  et  dissolu  en  toute  sa  vie,  l'autre  est  un  larron,  l'autre  est  un  paill  ar  d,  et  s'il  y  a  encore  des  vices  plus  enormes  iusques  a  bougrerie,  et  autre  telle  infection  (dit  sainct  Paul),  c'est  la  qu'il  faloit  appliquer  la  Loy  de  Dieu  a  son  uBage.  Que  ceux  qui  sont  ainsi  desbordez,  que  le  diable  a  enflammez  en  leurs  meschantes  affections,  que  ceux-la  facent  servir  la  Loy