51:47  47  SERMONS  48  nous  '  voila  donc  derechef  humiliez,  a  fin  que  nul  ne  se  trompe,  cuidant  avoir  de  sa  propre  vertu  ou  attrempance,  ou  charite,  ou  choses  semblables.  Car  iusques  a��  ce  que  Dieu  nous  ait  reformez,  nous  serons  comme  une  terre  sterile,  voire  du  tout  meschante:  car  ce  n'est  point  assez  que  nous  n'apportans  nul  bien,  mais  nous  produisons  du  mal  tant  et  plus,  iusques  a  ce  que  nostre  Seigneur  nous  en  ait  purgez,  comme  une  mauvaise  terre  non  seulement  sera  inutile  a  son  maistre,  n'apportant  ni  bled,  ni  vin,  ni  autres  choses  utiles:  mais  elie  produira  des  chardons,  des  epines,  des  meschantes  herbes:  ainsi  en  sommes  nous.  Or  maintenant  nous  avons  a  noter  (comme  S.  Paul  l'a  aussi  declare  cidessus)  que  la  charite  est  le  sommaire  de  la  Loy,  qu'il  la  met  ici  en  premier  lieu;  non  pas  pour  nous  faire  oublier  l'invocation  de  Dieu,  ne  la  fiance  que  nous  devons  avoir  en  ses  promesses,  et  tout  le  service  qui  est  contenu  en  la  premiere  table  de  la  Loy.  Sainct  Paul  donc  ne  mesprise  point  cela,  et  ne  veut  pas  aussi  qu'il  soit  comme  reiette:  mais  il  est  question  d'approuver  devant  les  hommes  si  vrayement  nous  sommes  affectionnez  a  l'obeissance  de  Dieu  ou  non.  Or  nous  avons  desia  dit  que  telle  approbation  se  void  quand  nous  aimons  nos  prochains,  et  qu'un  chacun  n'est  point  addonne  a  son  profit:  mais  qu'en  commun  nous  taschons  de  nourrir  bonne  union  et  paix,  et  nous  employer  aussi  la  ou  Dieu  nous  donne  la  faculte  et  le  moyen  de  servir  a  ceux  ausquels  nous  sommes  obligez  par  sa  parole.  Voila  donc  pourquoy  sainct  Paul  met  ici  ce  mot  de  Charite  en  premier  lieu.  Ce  n'est  pas  que  nous  devions  tellement  aimer  nos  prochains  que  Dieu  soit  recule  derriere:  mais  c'est  pour  ce  qu'ayant  amitie  mutuelle  les  uns  aux  autres,  nous  declarons  en  cela  que  vrayement  nous  sommes  addonnez  et  dediez  a  Dieu:  ce  qui  ne  peut  estre  que  nous  n'ayons  mis  du  tout  nostre  fiance  en  luy,  et  que  nous  n'y  ayons  nostre  refuge  en  prieres  et  oraisons.  Au  reste  puis  que  tout  ce  qui  est  nomme  vertu,  et  qui  pourra  estre  loue  a  bon  droit  entre  les  hommes,  est  appele  fruict  de  l'Esprit,  par  plus  forte  raison  quand  par  foy  nous  devons  approcher  de  Dieu,  et  estre  armez  contre  toutes  tentations,  et  avoir  une  ardeur  pour  le  prier,  il  est  certain  que  si  le  sainct  Esprit  ne  besongne  en  nous,  que  nous  ne  sommes  point  apprestez  a  cela.  Ii  n'y  a  donc  d'inclination  de  nature  chose  en  nous  par  laquelle  nous  puissions  comprendre  la  doctrine  de  l'Evangile:  nous  ne  sommes  pas  aussi  tant  agiles  que  nous  puissions  monter  a  Dieu  pour  communiquer  privement  a  luy  par  prieres  et  oraisons:  mais  il  faut  que  le  sainct  Esprit  nous  y  dispose,  que  nous  soyons  illuminez  par  sa  grace,  et  que  nos  coeurs  soyent  poussez  pour  invoquer  Die��.  Voila  donc  ce  que  nous  avons  a  retenir.