48:47  47  IN  ACTA  APOSTOLORUM  48  32.  Hunc  Iesum.  Postquam  Davidis  testimonio  probavit  oportuisse  Christum  resurgere:  dicit  se  et  reliquos  collegas  huius  resurrectionis  oculatos  esse  testes.  Neque  enim  patitur  contextus  alio  trahi  excitandi  verbum.  Unde  sequitur  in  Iesu  Nazareno  impletum  fuisse  quod  David  de  Christo  praedixerat.  Postea  de  fructu  vel  effectu  disserit.  Illud  enim  priore  loco  demonstrandum  fuit,  Christum  vivere.  Alioqui  absurdum  et  incredibile  fuisset  eum  tanti  miraculi  esse  autorem.  Simul  tamen  admonet,  illum  non  sibi  privatim  resurrexisse,  sed  ut  effuso  spiritu  totam  ecclesiam  vitae  suae  participem  faceret.  33.  Dextera  igitur  Dei.  Dextera  hic  pro  manu  aut  virtute  capitur,  ut  passim  in  scriptura.  Vult  enim  dicere,  hoc  fuisse  memorabile  Dei  facinus,  quod  Christum  suum,  quem  homines  morte  exstinctum  putabant,  in  tantam  gloriae  celsitudinem  extulit.  Promissio  spiritus,  pro  spiritu  promisso.  Iam  enim  spiritum  prius  apostolis  saepius  promiserat.  Significat  ergo  Petrus,  Christum  praestandi  facultatem  a  Deo  patre  impetrasse.  Et  promissionem  diserte  exprimit,  ut  sciant  Iudaei  hoc  non  subito  contigisse,  sed  nunc  fidem  constitisse  prophetae  verbis,  quae  rem  ipsam  multo  ante  praecesserant.  Porro  quod  dicitur  a  p  a  t  r  e  impetrasse,  in  mediatoris  personam  competit.  Utrumque  enim  recte  dicitur,  quod  a  se  ipso  miserit  Christus  spiritum,  et  a  patre.  A  se  ipso  misit:  quia  aeternus  est  Deus.  A  patre:  quia  quatenus  homo  est,  a  patre  accipit  quod  in  nos  transfundat.  Prudenter  autem  pro  captu  rudium  loquitur  Petrus,  ne  quis  intempestivam  de  Christi  virtute  quaestionem  moveat.  Et  certe  quum  officium  Christi  sit,  nos  ad  patrem  dirigere,  haec  ad  usum  pietatis  aptissima  est  loquendi  forma,  quod  Christus  quasi  inter  Deum  et  nos  medius,  accepta  ex  patris  manu  dona  manu  sua  nobis  tradat.  Praeterea  hic  ordo  notandus  est,  quod  missum  a  Christo  spiritum  fuisse  dicit,  postquam  exaltatus  est.  Convenit  hoc  cum  illis  sententiis:  Nondum  spiritus  datus  erat,  quia  nondum  glorificatus  erat  Christus  (Ioan.  7,  39).  Item:  Nisi  abiero,  spiritus  non  veniet  (Ioan.  16,  7).  Non  quod  tunc  primum  coeperit  tradi  spiritus,  quo  praediti  fuerunt  sancti  patres  ab  initio  mundi:  sed  quia  luculentiorem  hanc  gratiae  abundantiam  distulit  eo  usque  Deus,  dum  Christum  in  regia  sede  collocasset:  quod  significat  effusio,  ut  paulo  ante  vidimus.  Nam  hoc  modo  vis  ac  fructus  mortis  et  resurrectionis  obsignatur:  et  simul  inde  agnoscimus  nihil  nos  iacturae  fecisse  quum  e  mundo  migravit:  quoniam  absens  corpore,  spiritus  sui  gratia  nobis  melius  adest.  34.  Neque  enim  David.  Tametsi  ab  ipso  effectu,  quem  oculis  cernebant,  colligere  promptum  erat,  datum  Christo  fuisse  principatum,  quo  tamen  plus  fidei  habeat  eius  gloria,  probat  Davidis  testimonio,