44:47  47  IN  SOPHONIAM  48  columbam,  quod  scilicet  careret  ratione  et  consilio  et  sponte  se  poiiceret  in  laqueos  et  decipulas.  Putant  igitur  quidam  interpretes  eundem  esse  sensum  huius  loci,  quod  Ierusalem,  quae  non  tantum  sibi  debuerat  sapere,  sed  etiam  aliis,  sit  tamen  prorsus  fatua  et  insipida.  Sed  facile  ex  contextu  colligere  licet,  prophetam  aliud  velle,  quod  scilicet  Ierusalem  dedita  fuerit  rapinis  et  fraudibus.  Nam  na*  significat  fraudare  et  rapere  alienum  :  significat  etiam  circumvenire  sicut  praedari.  Intelligit  itaque  procul  dubio  Ierusalem  fuisse  urbem  refertam  omni  genere  scelerum:  quemadmodum  prius  pollutam  vocavit,  et  postea  adiungit  expositionem.  Videtur  enim  propheta  respicere  hoc  primo  versu  ad  duas  legis  tabulas.  Scimus  Deum  illic  exigere  munditiem  a  populo  suo:  deinde  tradere  regulam  iuste  et  innoxie  vivendi.  Quum  ergo  Ierusalem  propheta  vocavit  pollutam,  voluit  breviter  ostendere  illic  corruptum  esse  totum  Dei  cultum,  nec  ullum  amplius  vigere  studium  pietatis  :  quia  Iudaei  putabant  se  perfunctos  ��sse  erga  Deum,  ubi  aqua  sordes  suas  abluerant,  quod  nimis  stulte  putabant.  Scimus  enim  et  scire  ipsi  debuerant  cultum  Dei  spiritualem  esse.  Postea  adiungit,  urbem  directricem:  qua  voce  per  synecdochen  comprehendit  omnem  iniustitiam.  Sequitur,  non  audivit  vocem,  non  suscepit  correctionem.  Iam  explicat  propheta,  ac  definit  qualis  illa  fuerit  pollutio,  de  qua  loquutus  est.  Vera  enim  pietas  incipit  a  docilitate:  ubi  subiicimus  nos  Deo  et  verbo  eius,  hic  est  verus  ingressus  ad  legitimum  eius  cultum.  Ubi  autem  contemnitur  coelestis  doctrina,  etiamsi  multum  se  fatigent  homines  in  caeremoniis,  tamen  impietas  eorum  sese  detegit  contumacia  illa,  quod  scilicet  non  sustinent  regi  Dei  imperio.  Ergo  propheta  ut  ostendat  quidquid  putabant  Iudaei  puritatis  esse  Ierosolymae  censeri  coram  Deo  meras  sordes  et  inquinamenta,  dicit  eos  esse  indociles,  quia  scilicet  non  audiant  prophetas  sibi  divinitus  missos:  hoc  diligenter  notandum  est,  nam  sine  illo  principio  multum  se  torquent  homines  in  colendo  Deo,  nec  proficiunt  quidquam:  quia  obedientia  melior  quam  victimae.  Ergo  si  volumus  probari  Deo  nostrum  studium,  incipere  necesse  est  a  fide:  ita  nisi  apud  nos  autoritatem  obtineat  verbum  Dei,  mera  sunt  figmenta  quaecunque  poterimus  ei  obiicere.  Additur  secundo  loco,  quod  non  susceperit  correctionem.  Non  est  haec  additio  supervacua.  Ubi  enim  videt  nos  Deus  parum  esse  morigeros,  nec  sponte  venire,  dum  nos  vocat,  doctrinam  confirmat  reprehensionibus.  Initio  allicit  nos  ad  se,  utitur  blanda  invitatione  atque  humana.  Ubi  autem  videt  nos  cunctari,  vel  etiam  retrocedere,  incipit  durius  et  asperius  agere  nobiscum.  Frigeret  enim  doctrina  sine  reprehensionum  stimulis.  Ubi  autem  Deus  et  docendo  et  obiurgando  ludit  operam,  hinc  apparet  nos  esse  pravo  et  perverso  ingenio.  Ita