42:47  47  SERMON  XXXVIII.  48  de  Dieu,  laquelle  est  contenue  en  l'escriture  saincte,  pour  connoistre  que  cela  n'est  point  venu  des  hommes,  que  cela  n'a  point  este  forge  en  quelques  cerveaux  de  gents  qui  en  aient  dispose  a  leur  plaisir,  mais  que  c'est  Dieu  qui  ha  use  des  hommes  comme  de  ses  organes  et  instruments  de  son  sainct  Esprit,  quand  nous  scaurons  cela  (di-ie)  c'est  desia  quelque  peu  de  profit:  mais  il  y  ha  encores  plus  grande  approbation  en  cette  doctrine,  car  Dieu  ha  voulu  armer  de  patience  ses  fideles,  a  cause  qu'il  y  devoit  advenir  de  grands  troubles,  comme  ils  sont  advenus:  de  fait  il  falloit  bien  donc  que  les  fideles  (devant  la  main)  fussent  confermes,  a  fin  de  resister  aux  tentations,  et  porter  patiemment  les  afflictions  qu'ils  devoient  endurer.  Et  de  fait  il  est  dit  ici  qu'au  premier  retour  d'Antiochus  du  pays  d'Egypte,  il  faudra  que  la  terre  de  Iudee  endure  desia  beaucoup.  Or  notamment  il  est  dit  qu'il  viendra  avec  grande  compagnie,  et  que  son  coeur  sera  contre  l'alliance  saincte,  c'est  a  dire  qu'il  saccagera  le  peuple  de  Dieu,  et  le  temple.  Il  est  vray  qu'Antiochus  a  ce  premier  retour  ne  feist  pas  de  grandes  extortions,  car  il  se  contente  d'avoir  eu  quelques  thresors  qui  estoient  au  temple,  mais  a  ce  second  voiage  il  est  dit  qu'il  mettra  son  courage  contre  l'alliance  saincte,  c'est  a  dire  qu'il  pensera  d'exercer  de  grandes  cruautes  contre  le  peuple  de  Dieu  :  ce  qu'il  feist,  et  c'estoit  une  griefve  tentation  pour  les  pauvres  fideles,  quand  ils  voioient  que  Dieu  permettoit  qu'un  roy  paien  vint  ainsi  piller  et  saccager  le  temple,  tellement  qu'il  eust  peu  sembler  que  Dieu  avoit  mis  en  oubli  toutes  ses  promesses,  et  qu'il  se  fust  mocque  quand  il  avoit  promis  de  remettre  le  peuple  au  dessus,  et  de  restaurer  le  temple  et  tout  son  service,  et  voila  aussi  comme  le  diable  tasche  de  renverser  l'esperance  des  fideles,  et  Patiente  qu'ils  avoient  aux  promesses  de  Dieu.  Or  l'ange  previent  a  un  tel  dangier,  quand  il  advertist  les  fideles  de  ce  qu'il  devoit  advenir,  c'est  a  scavoir  qu'il  predit  qu'il  j  aura  un  roy  paien  qui  mettra  son  coeur  contre  l'alliance  de  Dieu,  mais  ne  penses  pas  (ditil)  que  Dieu  vous  ait  oublie  pourtant,  il  maintiendra  tousiours  son  Eglise,  toutesfois  que  ce  ne  sera  pas  sans  affliction:  car  il  faudra  que  le  temple  soit  pille,  mais  il  y  ha  aussi  cette  consolation  pour  vous,  que  le  redempteur  du  monde  viendra,  et  cette  attente  doit  surmonter  tout  ce  que  vous  pourres  endurer  de  facherie  et  de  moleste  en  ce  monde,  et  au  reste,  il  nous  faut  bien  noter  ce  que  l'ange  avoit  dit  touchant  les  combats  de  ces  deux  roys  ici,  c'est  assavoir  d'Egypte  et  de  Syrie,  qu'ils  ne  profiteroient  rien  en  ce  faisant.  Pource  qu'il  y  avoit  encores  quelque  temps,  c'est  a  dire  que  Dieu  avoit  dispose  les  choses  autrement  que  ces  roys  ici  n'avoient  entrepris  de  faire,  et  par  cela  nous  voions  que  si  Dieu  par  sa  providence  empesche  que  les