41:47  47  PRAELECTIONES  48  quaesivit.  Atqui  scimus  Romanos  usque  ad  Babylonem  fuisse  dominatos:  scimus  Asiam  minorem,  Syriam,  Ciliciam,  Graeciam,  et  Macedoniam  fuisse  omnes  illas  ditiones  ab  iisdem  absorptas:  duplicem  Hispaniam,  deinde  Gallias,  Illyricum,  et  aliquam  partem  Germaniae.  Tandem  Britannia  etiam  subacta  fuit  a  Iulio  Caesare.  Itaque  nihil  mirum,  si  vocetur  haec  bestia  formidabilis,  et  robusta  valde.  Nam  antequam  ad  se  traheret  imperium  Iulius  Caesar,  iam  totum  mare  mediterraneum  omni  ex  parte  erat  sub  ditione  romani  imperii.  Haec  est  maxima  amplitudo,  ut  satis  notum  est.  Aegyptus  quidem  habebat  suos  reges,  sed  erant  mancipia:  quidquid  libebat  Romanis  edicere,  statim  erat  parata  exsequutio  in  Aegypto.  In  Asia  minore  erant  reguli,  sed  quasi  speculatores:  et  de  illo  statu  postea  etiam  dicendum  erit.  Hoc  quidem  satis  notum  est,  totum  mare  mediterraneum  fuisse  tunc  penes  Romanos.  Et  Pontum  etiam  redegerat  in  potestatem  suam  Pompeius,  victo  Mitridate,  ut  notum  est.  In  Oriente  res  illis  pacatae  erant.  Erat  negotium  cum  Persis  et  cum  Medis:  sed  illi  nihil  movebant,  nisi  essent  provocati.  Hispaniae  nondum  assueverant  iugo:  sed  tamen  scimus  semper  fuisse  illic  duos  praetores.  Primus  Iulius  Caesar,  domitis  Galliis,  ingressus  est  Britanniam.  Ergo  videmus  quam  longe  et  late  extenderint  suam  potentiam  Romani,  et  id  immani  saevitia.  Ideoque  hanc  bestiam  nominat  Daniel  formidabilem  et  fortem  valde.  Postea  adiungit,  dentes  fuisse  ferreos  magnos.  Hoc  tam  ad  audaciam  quam  ad  inexplebilem  cupiditatem  debet  referri.  Videmus  nullum  fuisse  mortis  timorem  in  illa  gente.  Nam  ita  obduruerant,  ut  si  quis  fugiendi  periculi  causa  desereret  suum  ordinem,  postea  omnibus  ignominiae  notis  affectus,  cogeretur  vel  se  strangulare,  vel  consciscere  sibi  mortem  voluntariam.  Fuit  igitur  belluina  quaedam  immanitas  in  gente  illa.  Deinde  scimus  quam  fuerint  inexplebiles.  Hac  ratione  dicit  Daniel  fuisse  illis  dentes  ferreos  et  magnos.  Adiungit,  Comedebat,  et  conterebat,  et  residuum,  inquit,  calcabat  pedibus.  Haec  dicuntur  allegorice,  non  tantum  quoniam  visio  haec  sancto  prophetae  oblata  fuit,  sed  quia  etiam  voluit  Deus  quasi  vivas  imagines  pingere,  in  quibus  ostenderet  quale  futurum  esset  unumquodque  imperium.  Scimus  autem  quantum  terrarum  absumpserint  Romani,  atque  ut  ad  se  transtulerint  totius  fere  orbis  delitias,  quidquid  fuit  lautum  ac  pretiosum  in  Asia  minore,  in  Graecia,  in  Macedonia,  in  omnibus  insulis,  tandem  in  maiore  Asia,  hoc  direptum  fuit,  nec  quidquam  potuit  illis  sufficere.  Haec  igitur  est  voracitas,'  de  qua  nunc  propheta  loquitur,  quod  comederint,  inquit,  et  contriverint  suis  dentibus.  Adiungit  calcasse  pedibus  residuum:  quae  metaphora  notatu  digna  est.  Scimus  enim,  ut  soliti  fuerint  praedas  distribuere,  quas  secum  trahere  non  poterant.  Quantum  attinet