40:47  47  PRAELECTIONES  48  gelos,  quibus  Deus  arcanam  virtutem  inspirat,  ut  per  eorum  manus  operetur.  Nunc  autem  quum  dicit  rotas  ambulasse  pro  motu  illo  superiori,  hinc  sequitur  nihil  esse  in  mundo  fortuitum,  sed  Deum  pro  incomprehensibili  sua  sapientia  sic  omnia  dirigere,  ut  nihil  accidat  nisi  ex  arcano  instinctu,  quem  nos  non  perspicimus  oculis.  Ergo  in  hac  prophetae  doctrina  tanquam  in  speculo  considerare  nos  oportet  quod  absconditum  est  humanis  mentibus.  Videmus  multa  accidere:  et  interea  putamus  motus,  qui  sunt  ita  multiplices  et  perplexi,  esse  confusos.  Sed  propheta  huic  perversae  imaginationi  occurrit,  et  docet  rotas  per  se  quidem  quiescere,  agitari  tamen  pro  motu  superiore,  hoc  est  prout  moventur  animalia,  nempe  Cherubim,  ita  etiam  rotas  eorum  impulsu  trahi.  Iam  ergo  quia  tenemus  consilium  spiritus  sancti,  simul  notanda  est  doctrinae  utilitas.  Quum  videmus  homines  multa  moliri,  ut  totum  mundum  perturbent,  quum  videmus  fieri  multas  conspirationes,  deinde  parari  omnia,  quae  ad  res  gerendas  spectant:  sciamus  haec  omnia  Deum  moderari,  sed  arcano  modo,  qui  superat  omnes  sensus.  Etiam  quum  videmus  multa  saepe  fieri  intempestive,  nostro  iudicio,  sciamus  angelos  peragere  suum  officium,  et  ipsorum  motu  vel  inspiratione  rapi  quae  per  se  nullum  motum  haberent.  Idem  etiam  dicendum  est  de  aliis  rebus:  si  hyems  vel  tepida  sit  vel  nimium  rigida,  in  illo  excessu  consideremus  quod  hic  propheta  docet:  nempe  Deum  pro  suo  arbitrio  sic  gubernare  temporum  dispositionem,  ut  nihil  contingat  nisi  ab  eius  inspiratione.  Quum  ergo  incederent  animalia,  simul  rotae  incedebant  iuxta  ipsa,  inquit,  ac  si  diceret  cursum  animalium  fuisse  quasi  regulam,  ad  quam  cursum  suum  dirigerent  rotae:  et  quum  attollerentur,  inquit,  animalia,  attollebantur  simul  rotae.  Sequitur,  20.  Quo  erat  spiritus  ad  eundum  ambulabant,  illuc  spiritus  ad  eundum  (sic  enim  contexo:  nam  quod  alii  coniungunt  cum  secunda  parte  versus,  nimis  est  coactum.  Repetit  ergo  propheta  quod  dixerat,  sicuti  valde  prolixus  est  in  suo  sermone:  postea  adiungit)  etiam  rotae  attollebantur  (hic  attollere  capitur  pro  elevare  generaliter,  non  quemadmodum  prius,  et  proximo  versu:  attollebantur  ergo)  cum  ipsis:  quia  spiritus  animalis  erat  in  rotis*  (Addamus  et  proximum  versum).  21.  Ambulando  ambulabant  (hoc  est  quum  ambularent  animalia)  ambulabant  (rotae  scilicet)  et  quum  starent  (animalia)  stabant  (etiam  rotae):  et  quum  elevarentur  (hic  stricte  accipitur  verbum  tollendi  Nt50:  loquebatur  autem  prius  sine  adiunctione)  attollebantur  rotae  simul  cum  ipsis:  quia  spiritus  animalis  in  rotis.