39:47  47  PRAELECTIONES  48  42.  Quia  sic  dicit  Iehovah,  Quemadmodum  venire  feci  super  populum  hunc  omne  malum  hoc  grande,  sic  ego  reducam  super  eos  bonum  quod  ego  pronuntio  super  eos��  Hic  ostendit  rursum  Deus  prophetae  suo  exsilium  fore  temporale,  quoad  reliquias.  Scimus  enim  magnam  populi  partem  fuisse  prorsus  reiectam:  sed  Dominus  voluit  ecclesiam  suam  manere  superstitem  in  aliquo  numero,  quamvis  exiguo.  Promissio  igitur  haec  non  extenditur  indifferenter  ad  omnes  duodecim  tribus,  sed  specialiter  respicit  electos,  quemadmodum  eventus  rei  satis  docuit,  et  Paulus  etiam  huius  rei  est  fidelissimus  interpres.  Et  hoc  diligenter  tenendum  est,  quia  hypocritae  semper  ad  se  rapiunt  quidquid  Deus  suis  fidelibus  promittit,  quum  tamen  falso  praetendant  eius  nomen.  Ergo  tenendum  est  consilium  Dei,  nempe  quod  voluerit  fulcire  bona  fiducia  suos  electos,  ne  desperatio  ipsis  aditum  clauderet  ad  precandum.  Quoniam  ergo  aliqua  pars  populi  residua  fuit,  ne  penitus  intercideret  ecclesia,  sic  completa  fuit  haec  promissio,  quia  nunquam  amplecti  possumus  promissiones  misericordiae,  nisi  poenitentia  et  agnitio  culpae  nostrae  praecedat,  ideo  utrumque  membrum  exprimitur  a  propheta,  quod  Deus  venire  fecerit,  hoc  est,  induxerit  cladem  illam  horribilem.  Sequitur  deinde,  Sic  ego  reducam,  inquit,  omne  bonum.  His  autem  verbis  significat  Deus  quod  ante  promiserat  non  fore  sibi  difficile,  quia  potuit  sanare  vulnus  quod  populo  inflixerat.  Si  Chaldaei,  quemadmodum  alibi  dictum  fuit,  pro  sua  libidine  urbem  expugnassent,  difficile  erat  remedium:  sed  quia  Deus  Chaldaeis  usus  fuerat,  et  quasi  militaverant  sub  eius  auspiciis,  ideo  potuit  nullo  negotio  sanare  urbem,  et  revocare  ab  exsilio  qui  illuc  expulsi  fuerant  iusta  eius  vindicta.  Notandum  est  quod  dicitur,  Reddam  super  eos  omne  bonum,  quod  ego  loquor  super  eos.  Deus  enim  ostendit  qua  fultura  niti  debeant  fideles  quum  liberationem  suam  sperabunt,  nempe  iubet  eos  pendere  ex  ore  suo,  quia  quidquid  sibi  homines  pollicentur  evanidum  est,  et  sine  effectu.  Si  ergo  volumus  spes  nostras  firmas  esse,  ut  nos  non  frustrentur,  discamus  exordium  facere  a  promissionibus  Dei,  ne  quisquam  sibi  hoc  vel  illud  temere  fingat,  quemadmodum  nobis  saepe  blandimur:  sed  acquiescamus  in  sermone  Dei.  Ubi  autem  nos  deficit  testimonium  gratiae  Dei,  poterimus  'colligere  multas  fiducias,  sed  sine  profectu.  Nunc  tenemus  cur  diserte  hanc  particulam  addiderit  propheta  de  sermone  Dei.  Sequitur,  43.  Et  acquiretur  ager  in  terra  hac  de  qua  vos  dicitis,  Deserta  est  ab  homine  et  iumento,  tradita  est  in  manum  Chaldaeorum.