35:47  47  SERMON  CXXII  48  homme  caduque  et  fragile,  tellement  qu'il  ne  pourra  point  espouvanter  Iob:  mais  qu'il  ne  le  veut  gaigner  que  par  raison  et  verite.  Devant  que  venir  au  principal,  nous  avons  a  noter  en  passant  ceste  facon  de  parler  dont  il  use:  c'est  Que  V  Esprit  de  Dieu  Va  cree,  et  gue  ie  souffle  du  Tout-puissant  Va  vivifie:  au  reste  qu'il  n'est  que  boue  et  fange.  Or  cecy  est  bien  a  noter  a  tous  hommes:  car  si  nous  avions  bien  retenu  ce  qui  est  ici  monstre,  il  est  certain  que  tout  orgueil  seroit  comme  enseveli  en  nous.  Car  qui  est  cause,  que  les  hommes  se  glorifient  tant,  et  qu'ils  sont  ainsi  outrecuidez,  sinon  qu'ils  ne  peuvent  cognoistre  leur  origine  en  premier  lieu,  et  puis  ils  ne  savent  apprehender  a  bon  escient,  que  ce  qu'ils  ont  ils  le  tienent  de  Dieu,  et  que  ce  n'est  pas  un  heritage,  mais  d'autant  qu'il  plaist  a  Dieu  de  les  conserver,  qu'ils  ont  et  vie,  et  tous  les  accessoires  d'icelle?  Si  donc  les  hommes  pouvoyent  en  premier  lieu  avoir  souvenance  d'ou  ils  sont  sortis:  et  secondement  que  tout  le  bien  qui  est  en  eux,  ils  le  tienent  de  la  pure  grace  de  Dieu:  il  est  certain  qu'ils  seroyent  vrayement  humiliez.  Il  est  donc  dit,  que  nous  sommes  formez  de  fange  et  de  boue:  allons  nous  maintenant  glorifier,  faisons-nous  valoir  tant  que  nous  voudrons:  mais  si  est-ce  que  nous  ne  pouvons  pas  changer  nostre  naturel.  Il  faut  donc  quand  un  homme  se  trouvera  tente  d'arrogance,  et  qu'il  se  voudra  par  trop  eslever,  qu'il  entre  en  soy,  et  qu'il  regarde,  Et  d'ou  est-ce  que  ie  suis  sorti?  D'ou  est-ce  que  Dieu  m'a  prins?  Quand  nous  avons  seulement  nos  piez  fangeux,  il  nous  semble  que  nous  en  valons  moins:  que  si  la  fange  nous  touche,  il  nous  semble  que  nous  sommes  souillez,  voire  seulement  de  nos  souliers.  Or  tant  y  a  que  nous  sommes  formez  de  boue.  Il  ne  faut  pas  donc  que  nous  mettions  tellement  en  oubli  nostre  issue  dont  nous  sommes  procedez,  que  tousiours  ceci  ne  nous  vienne  au  devant,  Tu  n'es  que  terre  et  poudre.  Il  est  vray  que  le  mot  est  assez  vulgaire,  et  qu'un  chacun  le  confesse:  mais  cependant  personne  ne  le  cognoist.  Or  il  ne  faudroit  qu'une  telle  apprehension  pour  nous  purger  de  tout  orgueil:  Qu'est-ce  que  la  presomption  et  l'outrecuidance  qui  est  aux  hommes,  sinon  un  vent,  d'autant  qu'ils  sont  enflez  d'ignorance,  qu'ils  oublient  quels  ils  sont?  D'autant  plus  donc  nous  faut  bien  peser  ce  mot  ou  il  est  dit,  Que  nous  sommes  creez  de  fange  et  de  boue.  Il  est  vray  qu'il  y  auroit  de  la  dignite  et  excellence  en  nostre  nature  qui  seroit  a  priser,  voire  si  nous  estions  entiers  :  mais  encores  ne  nous  seroit-il  pas  permis  de  nous  enorgueillir.  Estans  corrompus  en  Adam  (comme  nous  sommes)  il  est  certain  que  nous  devons  estre  doublement  confus.  Et  pourquoy?  Nous  avons  este  creez  a  l'image  de  Dieu:  et  ceste  image-la  quelle  est  elle?  Elle  est  desfiguree:  nous  sommes  tellement  per-