33:47  47  SERMON  III  48  tellement  que  nous  le  pouvons  tousiours  contempler  comme  en  face,  cependant  que  l'Evangile  se  presche:  car  la  Dieu  se  revele  privement  a  nous.  Ainsi  donc  il  faut  que  nous  ayons  cest'  affection  et  zele  que  i'ay  dit,  c'est  a  savoir,  que  nous  lui  soyons  pleinement  dediez,  renoncans  a  toutes  les  ordures  qui  nous*  empeschent  de  le  servir  et  honorer.  Or  il  s'ensuit:  Que  Iob  sacrifioit  selon  le  nombre  de  ses  enfans.  Nous  avons  desia  touche  en  brief,  combien  que  Iob  craignist  que  ses  enfans  n'eussent  offense  Dieu,  toutesfois  qu'il  ne  leur  defend  point  de  converser  ensemble,  pource  qu'il  sait  que  c'est  une  chose  bonne:  mais  il  cerche  le  remede  des  infirmitez,  ausquelles  les  hommes  sont  enclins  et  subiets.  Au  reste  on  pourroit  demander,  comment  c'est  qu'il  a  peu  sacrifier,  veu  qu'il  n'estoit  point  enseigne  en  la  Loy,  mesmes  qu'il  est  vray  semblable  qu'il  avoit  vescu  devant  que  Moyse  fust  nay.  Or  les  sacrifices  que  les  hommes  offrent  a  Dieu  sans  foy,  meritent  d'estre  reprouvez.  Comment  donc  Iob  a-il  peu  sacrifier,  n'ayant  nulle  certitude  de  la  volonte  de  Dieu?  Or  nous  avons  a  reduire  en  memoire  ce  qui  fut  touche  en  la  premiere  lecture,  c'est  a  savoir,  que  Dieu  a  voulu  iusques  a  ce  que  son  Eglise  fust  dressee  entre  les  Iuifs,  et  que  sa  loy  fust  publiee  par  escrit,  qu'il  y  eust  tousiours  quelque  semence  et  residu  par  le  monde,  de  gens,  qui  l'invoquassent  en  purete  de  coeur.  Il  est  vrai  que  tantost  apres  le  deluge  les  enfans  de  Noe  se  sont  corrompus:  ie  di  ceux  qui  sont  descendus  de  sa  race,  lesquels  ayans  la  memoire  toute  fresche  d'une  vengeance  si  horrible  de  Dieu,  n'ont  pas  laisse  d'inventer  beaucoup  de  superstitions,  et  d'aneantir  le  vray  service  de  Dieu:  tant  y  a  toutesfois  qu'il  y  en  a  reste  quelques  uns  qui  se  sont  maintenus  en  ceste  purete  que  Dieu  commandoit.  Et  cela  a  este  a  fin  que  Dieu  eust  tousiours  quelque  Eglise  en  ce  monde,  et  quelque  petit  nombre  de  gens  qui  Pinvoquassent,  et  cependant  il  a  voulu  aussi  que  cela  tournast  en  condamnation  aux  incredules,  et  qu'ils  fussent  rendus  tant  plus  inexcusables.  Nous  savons  que  les  hommes  taschent  tousiours  de  se  couvrir  de  ce  titre  d'ignorance,  et  leur  semble  qu'ils  sont  absous  devant  Dieu,  quand  ils  ont  ce  bouclier  :  mais  Dieu  a  voulu  qu'il  y  eust  quelque  petit  nombre  de  gens  tousiours  qui  le  servist  en  toute  purete,  et  ceux-la  ont  este  comme  les  iuges  de  tous  ceux  qui  se  sont  destournez  et  esgarez  du  droit  chemin.  Ainsi  en  a-il  este  de  Iob.  Tant  y  a  que  nous  savons  aussi  que  des  le  commencement  du  monde,  Dieu  a  institue  les  sacrifices:  car  s'ils  eussent  este  inventez  a  l'appetit  des  hommes,  ce  n'eust  este  que  fatras  que  Dieu  eust  reiette,  et  singeries.  Et  d'avantage  nous  savons  que  les  sacrifices  d'Abel  ont  este  preferez  a  ceux  de  Cain,  a  cause  de  la  foy.  Or  si  Abel  eust  forge