32:47  47  PSALMUS  XCVII!  48  designat  vel  prosperum  successum  (quae  loquendi  ratio  passim  occurrit  in  scriptura)  sicuti  res  adversae  conferuntur  tenebris.  Posterior  metaphora  in  voce  sationis  videtur  aliquanto  durior.  Quidam  dicunt  seminari  laetitiam  iustis,  quemadmodum  semen,  quum  proiicitur  in  terram,  emoritur  vel  latet  aliquamdiu  occultum  antequam  germinet.  Quam  sententiam  tametsi  non  improbo,  nescio  tamen  an  hic  sensus  simplicior  sit:  Quamvis  iusti  vix  locum  in  mundo  inveniant,  saltem  non  audeant  in  publicum  prodire,  et  quasi  demersi  lateant,  Deus  tamen  eorum  felicitatem  instar  seminis  longe  lateque  disperget,  vel  lucem  gaudii,  quae  constricta  est,  producet.  Secundum  membrum  versus,  exegesis  est  prioris:  laetitiam  enim  pro  luce  ponit,  et  rectos  corde  pro  iustis.  Atque  haec  definitio  iustitiae  notanda  est,  quod  scilicet  non  sit  externa  larva,  sed  sinceram  cordis  integritatem  requirat,  ut  non  sufficiat  linguas,  manus  et  pedes  a  maleficio  continere,  si  cupimus  coram  Deo  iusti  censeri.  Tandem  ultimo  versu  pios  hortatur  ad  gratitudinem,  ut  scilicet  persuasi  Deum  esse  suum  liberatorem,  eius  gratiae  acceptam  vitam  suam  referant:  et  quidquid  acciderit,  contenti  sint  eius  praesidio.  PSALMUS  XCYIIL  AEG.  Affinis  est  hic  Psalmo  nonagesimo  sexto,  nec  modo  simile  est  argumentum,  sed  in  verbis  etiam  conveniunt.  Summa  est,  ubi  propagata  fuerit  Dei  cogninitio  per  totum  orbem,  magis  quam  antehac  conspicuam  fore  eius  gloriam:  tum  quia  redemptore  exhibito  plenior  promissionibus  generi  Abrahae  datis  effectus  constabit:  tum  quia  salus  repente  exorietur  toti  mundo  :  qua  ratione  iubet  magnifice  nomen  Dei  celebrari.  Psalmus.  1.  Cantate  Iehovae  canticum  novum,  quia  mirabilia  fecit,  salutem  peperit  ei  dextera  sua,  et  brachium  sanctitatis  eius.  2.  Notam  fecit  Iehova  salutem  suam,  in  oculis  gentium  revelavit  iustitiam  suam.  3.  Recordatus  est  bonitatis  suae  et  veritatis  erga  domum  Israel:  viderunt  omnes  fines  terrae  salutem  Dei  nostri.  1.  (Cantate  Iehovae.)  Diximus,  his  verbis  notari  exquisitam  et  non  vulgarem  gratiarum  actionem.  Quod  etiam  ex  ratione  mox  addita  patet,  nempe  quia  Deus  mirabiliter  et  incredibili  modo  salutem  suam  in  medium  protulerit.  Nam  de  miraculis  loquutus  ea  specialiter  ad  summam  unam  restringit,  quod  Deus  salutem  sibi  acquisierit  propria  virtute.  Quibus  verbis  significat  non  humanis  mediis,  vel  ordine  consueto,  sed  inaudito  hactenus  modo  servatam  fuisse  ecclesiam.  Miraculum  hoc  pluribus  verbis  extollit  Iesa.  cap.  59,  16:  Respexit  Deus