31:47  47  PSALMUS  IL  48  ac  magis  idoneus  interpres  est  Paulus,  qui  Actorum  cap.  13*,  33,  ad  illam  quem  dixi  coelestis  Christi  gloriae  demonstrationem  nos  revocat.  Genitus  ergo  fuisse  dicitur,  non  ut  Filius  Dei  esse,  quoad  se,  inciperet,  sed  ut  talis  patefieret  mundo.  Denique  haec  genitura  non  de  mutuo  Patris  et  Filii  respectu  intelligi  debet:  sed  tantum  significat,  eum  qui  fuerat  ab  initio  absconditus  in  arcano  Patris  sinu,  et  obscure  deinde  sub  lege  adumbratus,  ex  quo  prodiit  cum  claris  insignibus,  cognitum  fuisse  Dei  filium:  sicuti  etiam  dicitur  Iohan.  1,  14.  Conspeximus  gloriam  eius  tanquam  unigeniti  Filii.  Simul  tamen  memoria  tenendum  est  quod  docet  Paulus  ad  Romanos  capite  1,  versu  4.  fuisse  declaratum  filium  in  potentia  dum  resurrexit  a  mortuis.  Ideoque  praecipue  in  diem  illum  competit  quod  dicitur.  Quidquid  sit,  solenne  et  legitimum  manifestationis  tempus  spiritus  sanctus  hic  de&ignat,  sicuti  infra  Psal.  118,  24:  Haec  dies  quam  fecit  Dominus,  exsultemus  et  laetemur  in  ea.  8.  (Postula  a  me.)  Verum  quidem  est,  rogatum  fuisse  a  Christo  Patrem,  Ioannis  capite  decimoseptimo,  versu  quinto,  ut  ipsum  gloria  ornaret,  quam  apud  eum  possederat  ab  initio  ante  creationem  mundi,  simplicior  tamen  sensus  est,  quod  Pater  Filio  nihil  negabit  de  propagando  eius  regno  in  ultimos  usque  terrae  fines.  Sed  in  re  nova  inducitur  Christus  sese  Patri  cum  precibus  offerens,  quo  illustrior  sit  gratuita  in  hac  parte  Dei  liberalitas,  quod  filium  suum  toti  mundo  praeficere  dignatus  est.  Etsi  enim  quatenus  aeternus  est  sermo  Dei,  penes  eum  iure  summum  imperium  et  maiestas  semper  fuit,  ut  nulla  accessione  crescere  potuerit:  tamen  exaltatus  in  carne  fuit,  in  qua  induerat  servi  formam.  Quare  non  est  hoc  solius  deitatis  elogium,  sed  ad  totam  mediatoris  personam  extenditur:  quia  postquam  exinanitus  fuit  Christus,  datum  illi  fuit  nomen  quod  est  super  omne  nomen,  ut  coram  eo  flectatur  omne  genu,  Philipp.  2,  9.  Quanquam  autem  scimus  Davidem  praeclaris  victoriis  potitum  late  regnasse,  ut  multae  gentes  illi  tributariae  fuerint,  minime  tamen  completum  in  eo  fuit  quod  hic  dicitur.  Nam  si  cum  aliis  monarchiis  eius  regnum  conferas,  satis  angustis  finibus  inclusum  fuit.  Ideo  ne  frustra  atque  etiam  absurde  vaticinium  hoc  de  immensa  regni  amplitudine  editum  fuerit,  ad  Christum  venire  necesse  est,  qui  solus  mundum  sibi  subegit,  ac  suo  imperio  terras  omnes  et  populos  complexus  est.  Itaque  hic,  ut  pluribus  aliis  locis,  gentium  vocatio  praedicitur:  ne  unius  tantum  gentis  rex  credatur  qui  a  Deo  mittendus  est  redemptor.  Quod  autem  regnum  hoc  dissipatum,  multis  ruinis  deforme  mutilumque  cernimus,  ex  hominum  malitia  provenit,  quae  eos  tam  felici  et  optanda  subiectione  reddit  indignos.  Caeterum  quamvis  impediat  hominum  ingratitudo