3:47  47  INSTITUTION  CHRESTIENNE.  48  primé  en  tous  une  cognoissance  de  soymesme,  de  laquelle  il  renouvelle  tellement  la  memoire,  comme  s'il  en  distilloit  goutte  à  goutte,  afin  que  quand  nous  cognoissons  depuis  le  premier  iusques  au  dernier  qu'il  y  a  un  Dieu,  et  qu'il  nous  a  formez,  nous  soyons  condamnez  par  nostre  propre  tesmoignage,  de  ce  que  nous  ne  l'aurons  point  honnoré,  et  que  nous  n'aurons  point  dedié  nostre  vie  à  luy  obeir.  Si  on  cherche  ignorance  pour  ne  savoir  que  c'est  de  Dieu,  il  est  vray  semblable  qu'on  n'en  trouvera  pas  exemple  plus  propre  qu'entre  les  peuples  hebetez  et  qui  ne  savent  quasi  que  c'est  d'humanité.  Or  comme  dit  Ciceron,  homme  payen,  Il  ne  se  trouve  nation  si  barbare,  ny  peuple  tant  brutal  et  sauvage,  qui  n'ayent1)  ceste  persuasion  enracinée  qu'il  y  a  quelque  Dieu.2)  Et  ceux  qui  en  tout  le  reste  semblent  bien  ne  differer  en  rien  d'avec  les  bestes  brutes,  quoy  qu'il  en  soit  retiennent  tousiours  quelque  semence  de  religion.  En  quoy  on  void  comment  ceste  apprehension  possede  les  coeurs  des  hommes  iusques  au  profond,  et  est  enracinée  en  leurs  entrailles.  Puis  donques  que  dés  le  commencement  du  monde  il  n'y  a  eu  ne  pays,  ne  ville,  ne  maison  qui  se  soit  peu  passer  de  religion,  en  cela  on  void  que  tout  le  genre  humain  a  confessé  qu'il  y  avoit  quelque  sentiment  de  divinité  engravé  en  leurs  coeurs.  Qui  plus  est,  l'idolatrie  rend  certain  tesmoignage  de  cecy.  Car