29:47  SERMON  47  CLXXXVI.  de  cela:  Celuy  qui  a  forme  les  aureilles,  n'orra-il  point?  Celuy  qui  a  cree  les  yeux,  sera-il  aveugle?  Celuy  qui  a  fait  les  coeurs,  celuy-la  ne  sonde-il  point  toutes  les  pensees?  Et  puis  ils  ont  dit,  Dieu  ne  s*en  apparcevra  point.  Bref  l'experience  monstre  que  les  hommes,  quand  ils  s'endurcissent  en  leurs  pechez,  se  font  aussi  accroire  que  Dieu  n'y  pense  plus,  ou  qu'il  a  le  dos  tourne,  et  qu'il  Poublie.  Voila  ou  nous  sommes.  Or  nostre  Seigneur  declaire  ici  a,  l'opposite,  que  le  tout  est  cache  en  ses  thresors,  et  que  le  tout  est  aussi  bien  seelle:  comme  s'il  disoit:  Ii  est  vray  que  du  premier  coup  ie  ne  monstre  pas  que  vos  pechez  me  viennent  en  notice,  ie  dissimule:  or  quand  i'use  de  telle  patience,  vous  imaginez  que  ie  me  repose  au  ciel,  et  que  ie  vous  laisse  faire,  et  que  ie  ne  pense  plus  a  gouverner  le  monde.  Yoila  donc  comme  vous  abusez  de  ma  bonte  quand  ma  vengeance  n'apparoist  point  du  premier  coup:  mais  tant  y  a  que  tout  est  cache  vers  moy,  et  seelle  en  mes  thresors.  Or  pour  bien  faire  nostre  profit  de  ce  passage,  revenons  a  ce  qui  est  dit  en  Daniel  :  Que  les  livres  seront  ouverts  quand  le  Iuge  tiendra  ses  assises.  Si  donc  auiourd'huy  nos  pechez  sont  cachez  selon  le  monde,  que  nous  n'en  soyons  point  accusez,  que  nul  ne  nous  redargue,  et  mesmes  que  nous  soyons  comme  endormis:  que  nous  ne  laissions  pas  pourtant  de  tousiours  gemir  devant  Dieu,  et  d'entrer  en  conte,  et  qu'un  chacun  se  sollicite,  sachant  tien  qu'il  faudra  que  les  registres  soyent  publiez  quand  la  sentence  se  donnera,  qu'il  faudra  alors  que  nostre  procez  soit  fait:  on  n'en  savoit  rien  auparavant,  mais  quand  la  trompette  aura  sonne,  et  que  le  Seigneur  sera  assis,  la  il  ne  faudra  point  de  greffier  ne  de  secretaire  pour  lire,  mais  il  faudra  que  nos  consciences  s'accusent  d'elles-mesmes,  et  plustost  qu'un  chacun  soit  son  tesmoin,  qu'un  chacun  descouvre  ses  turpitudes.  Puis  qu'ainsi  est,  advisons  a  nous,  et  ne  nous  decevons  point  en  nostre  vaine  flatterie:  car  si  Dieu  auiourd'huy  ne  nous  punit  point,  mais  qu'il  nous  supporte  pour  un  temps,  ce  n'est  pas  pourtant  a  dire  qu'il  n'appercoive  toutes  nos  malices,  et  nos  iniquitez.  Voila  donc  ce  que  nous  avons  a  retenir  en  ce  passage,  quand  Dieu  dit  qu'il  a  tout  cache  ceci  vers  soy,  et  qu'il  est  seelle  en  ses  thresors.  Or  cependant  il  n'y  a  nulle  doute  que  Moyse  n'ait  regarde  aux  punitions  :  comme  s'il  estoit  dit,  que  Dieu  sait  bien  reserver  ses  chastimens:  s'il  ne  les  desploye  pas  du  premier  coup,  qu'il  sait  pourquoy  il  dilaye:  mais  cependant  que  letout  demeure  la  enserre.  Quand  donc  Dieu  ouvrira  ses  coffres,  il  trouvera  de  terribles  facons  de  vengeance,  lesquelles  nous  sont  auiourd'huy  incomprehensibles.  Et  mesmes  notons,  quand  Dieu  nous  aura  puni  en  deux  et  trois  sortes,  si  puis  apres  il  retire  sa  main,  et  que  nous  ne  cessions  48