28:47  47  SERMON  CXXVIII.  48  bellions  en  son  peuple  si  rudement,  que  la  terre  s'est  ouverte  pour  engloutir  ceux  qui  s'esleverent  contre  Moyse  et  Aaron.  Apres,  nous  voyons  les  cupiditez  comme  elles  ont  este  punies,  que  Dieu  a  foudroye  du  ciel.  Il  est  vray  qu'il  a  envoye  la  viande  a  ceux  qui  la  demandoyent:  mais  il  eust  mieux  vallu  qu'ils  fussent  la  pourris  de  famine,  que  de  payer  l'escot  si  cher,  qu'il  a  fallu  qu'ils  ayent  avalle  la  vengeance  de  Dieu  avec  les  viandes,  lesquelles  il  ne  leur  estoit  point  licite  d'appetter.  Des  paillardises,  il  y  en  a  une  punition  si  griefve,  que  Tire  de  Dieu  s'enflamma  sur  tout  le  peuple,  et  sembloit  qu'il  deust  estre  extermine.  Quand  donc  nous  voyons  de  tels  advertissemens  (dit  sainct  Paul)  apprenons  de  craindre,  et  ne  tentons  point  Dieu  a  nostre  escient.  Car  c'est  comme  le  despitter,  si  nous  voyons  qu'il  nous  mette  la  une  barre,  et  qu'il  nous  menace,  voire  aux  despens  d'autruy,  et  que  nous  ne  laissions  point  de  poursuyvre:  c'est  autant  comme  si  nous  le  voulions  despitter,  pour  luy  faire  guerre.  Et  ainsi  apprenons,  que  quand  Dieu  a  ordonne  une  punition,  ce  n'est  pas  seulement  afin  que  celuy  qui  aura  mal  fait,  soit  chastie:  mais  c'est  a  ce  que  nous  prenions  tous  une  reigle  pour  nous  savoir  gouverner  comme  il  appartient,  et  que  nous  ne  soyons  point  tant  insensez  de  nous  precipiter,  quand  nous  voyons  la  nostre  lecon  par  escrit.  Et  ainsi  en  somme,  que  toutes  les  corrections  qui  sont  contenues  en  la  Loy  nous  servent  d'autant  de  brides,  et  que  nous  soyons  enseignez  de  cheminer  en  la  crainte  de  Dieu,  ou  bien  que  nous  les  prenions  comme  medecines  preservatives  :  que  nous  n'attendans  point  que  le  mal  soit  venu:  gardons-nous  avant  la  main,  et  prions  Dieu  qu'il  nous  conduise  tellement  que  nous  n'essayons  point  son  ire.  Et  pratiquons  aussi  ce  que  dit  S.  Paul,  qu'on  ne  nous  decoive  point  par  vaines  parolles,  quand  il  parle  et  des  paillardises  et  choses  semblables.  Gardez  (dit-il)  d'estre  trompez:  car  le  monde  se  dispense  aisement,  voire  iusques  a  se  mocquer  de  Dieu,  et  a  faire  bon  marche  de  sa  iustice.  Ne  vous  trompez  point  en  cela  (dit-il)  car  l'ire  de  Dieu  vient  sur  les  rebelles  a  cause  de  telles  choses.  Or  si  Dieu  en  punissant  les  pechez,  nous  monstre  combien  ils  luy  sont  detestables,  quand  il  couche  par  escrit  une  Loy,  et  qu'il  ordonne  aux  iuges  et  magistrats  de  mettre  en  execution  ce  qu'il  a  dit,  ie  vous  prie,  ne  voila  point  un  advertissement  encores  plus  certain,  et  qui  nous  doit  toucher  plus  au  vif?  Et  si  la  dessus  nous  sommes  obstinez  et  endurcis,  et  qu'on  ne  nous  puisse  gagner,  n'est-ce  point  (comme  i'ay  desia  dit)  hurter  des  cornes  a  l'encontre  de  Dieu?  Et  ainsi  notons,  que  quand  Dieu  a  puni  si  griefvement  les  adulteres,  que  c'a  este  pour  nous  monstrer  que  c'est  une  infection  qui  ne  fait  que  nourrir