27:47  47  SERMON  LXXII.  48  ils  se  glorifioyent  se  voyans  en  grand  nombre,  et  cependant  despittoyent  Dieu.  Or  il  dit  qu'il  les  saura  bien  diminuer,  comme  il  les  avoit  multipliez,  et  qu'il  n'en  resteroit  qu'une  petite  portion.  Et  cela  a  este  accompli:  mesmes  le  Prophete  dit  :  Que  si  Dieu  n'eust  garde  quelque  petite  semence,  que  Iudee  eust  este  comme  Sodome  et  Gomorrhe  :  comme  aussi  ils  estoyent  bien  dignes  que  Dieu  les  exterminast.  Or  ceci  nous  est  bien  profitable.  Car  auiourdhuy  quand  il  nous  est  monstre  que  nous  avons  la  doctrine  pure  de  l'Evangile  qui  nous  est  presche,  que  nous  avons  le  Baptesme  pour  tesmoignage  de  nostre  salut:  voila  desia  une  election  que  Dieu  a  faite:  nous  ne  vallions  pas  mieux  que  les  autres  qui  sont  la  abysmez  en  leurs  idolatries  et  abominations,  et  lesquels  il  n'a  pas  daigne  regarder  en  pitie  pour  faire  luire  la  verite  de  son  Evangile  sur  eux,  il  les  laisse  la  comme  destituez  du  tout,  il  n'y  a  qu'une  horrible  dissipation  entre  eux:  cependant  nous  sommes  recueillis  comme  entre  ses  bras  et  en  son  giron,  quand  il  veut  qu'on  nous  annonce  sa  parolle,  nous  voyons  Iesus  Christ  qui  nous  esclaire,  comme  le  soleil  de  iustice,  nous  avons  les  Sacremens,  nous  en  savons  l'usage.  Voila  donc  une  election  que  Dieu  a  faite  de  nous,  qui  est  bien  a  priser  :  enquoy  il  nous  faut  cognoistre  la  pure  bonte  de  Dieu,  et  infinie,  quand  il  ne  regarde  rien  en  nous,  enquoy  il  nous  deust  faire  marcher  devant  ceux  qui  sont  plus  nobles,  et  ont  plus  d'apparence  que  nous.  Mais  encores  ne  suffit-il  pas  que  Dieu  nous  ait  ainsi  eleus  pour  nous  mettre  en  sa  maison,  qu'il  nous  tienne  de  son  troupeau,  qu'il  habite  au  milieu  de  nous:  il  faut  qu'un  chacun  regarde  a  soy,  tellement  que  l'Evangile  ne  soit  presche  en  vain,  que  nous  n'ayons  point  seulement  le  tiltre  de  Chrestiens,  et  que  l'effect  n'apparoisse  point  en  nous.  Car  iusques  a  ce  que  nostre  adoption  soit  seellee  par  le  S.  Esprit,  ne  pensons  point  qu'il  nous  profitte  rien  d'avoir  ouy  la  parolle  de  Dieu:  mais  elle  nous  sera  double  condamnation,  d'autant  que  Dieu  nous  avoit  eleus,  et  que  nous  l'avons  offense:  d'autant  qu'il  s'estoit  allie  a  nous,  et  que  nous  avons  rompu  la  foy  que  nous  luy  devions,  et  luy  avions  promise,  il  faudra  que  nous  soyons  punis  tant  plus  griefvement.  Mais  quand  nous  aurons  tesmoignage  en  nos  coeurs  que  ses  promesses  nous  appartiennent,  et  qu'elles  s'adressent  a  nous,  que  nous  les  recevons  en  droite  obeissance,  que  nous  adherons  a  nostre  Seigneur  Iesus  Christ,  souffrans  d'estre  gouvernez  par  luy  :  voila  une  signature  que  Dieu  a  foite  en  nous  de  son  election:  tellement  que  nous  n'avons  pas  seulement  l'apparence  devant  les  hommes,  mais  nous  avons  la  verite  devant  nostre  Dieu  :  et  comme  Abraham  a  este  constitue  pere  de  tous  fideles  devant  Dieu,  aussi  sommes-nous  constituez  ses  enfans  en  esprit,  et  en  verite,  et  non  pas  seulement  quant  a  l'opinion  du  monde.  Nous  voyons  donc  maintenant  ce  que  nous