26:47  47  SERMON  XIV.  48  Sehon,  et  que  pour  ceste  cause  il  Pa  endurci:  sachons  que  quand  il  plaist  a  Dieu  d'attirer  les  hommes  a  salut,  qu'il  leur  tourne  les  coeurs,  afin  qu'ils  se  repentent  de  leurs  vices,  afin  qu'ils  s'y  desplaisent,  et  qu'ils  cerchent  de  luy  obeir.  Voila  comme  Dieu  change  les  coeurs  qui  estoyent  malins  et  pervers,  et  les  reforme  a  son  obeissance:  voire  quand  il  veut  sauver  les  hommes.  Mais  a  l'opposite,  quand  il  les  a  du  tout  destinez  a  leur  perdition,  il  les  endurcit:  qu'il  n'y  ha  nul  moyen  ni  approche,  pour  leur  faire  recevoir  aucune  correction:  qu'ils  se  despitent  contre  luy,  et  contre  sa  doctrine,  qu'ils  en  font  comme  poison  mortel.  Voila  comme  Dieu  besongne.  Or  il  est  vray  que  ceste  doctrine  ne  s'accorde  guerre  bien  au  sens  naturel  des  hommes:  mais  il  nous  faut  ici  renger  en  telle  humilite,  que  nous  ne  contredisans  point  a  ce  que  l'Escriture  nous  enseigne.  Apres,  quand  il  est  dit:  Que  les  enfans  d'Heli  apres  avoir  este  admonnestez,  n'ont  point  receu  correction  de  leur  pere:  il  s'ensuit  quant  et  quant:  Pource  que  Dieu  les  vouloit  tuer.  Quand  cela  est  mis  :  nous  voyons  que  Dieu  ne  leur  a  point  fait  la  grace  de  se  convertir,  pource  qu'il  les  a  laissez  en  la  perdition,  ou  ils  estoyent  de  nature:  par  son  iuste  iugement  il  l'a  ainsi  voulu.  Il  n'est  point  question  ici  d'une  permission  ie  ne  say  quelle,  que  Dieu  face  du  borgne,  qu'il  ferme  les  yeux,  comme  ces  phantastiques  imaginent,  qui  ont  autant  d'exercice  en  l'Escriture  saincte,  que  les  chiens:  mais  il  est  dit,  que  Dieu  l'a  voulu  ainsi.  Apprenons  donc,  quand  les  hommes  s'endurcissent,  que  c'est  un  signe  que  Dieu  les  a  livrez  a  Satan,  comme  desesperez.  Il  est  vray  que  d'une  part  Dieu  se  servira  de  Satan,  et  des  hommes  malins  pour  tromper  les  incredules,  comme  nous  voyons  qu'il  dit  :  Qui  est-ce  qui  me  sera  messager  pour  tromper  Achab  ?  Que  le  diable  se  represente  a  luy,  et  Dieu  l'envoye.  Va,  et  que  tu  gouvernes  tous  ces  faux  prophetes:  et  qu'ils  soyent  la  pour  aveugler  ce  mal-heureux,  qui  iusques  ici  m'a  este  ainsi  rebelle.  Nous  voyons  comme  Dieu  se  sert  de  Satan,  nous  voyons  comme  tous  les  faux  prophetes  sont  envoyez  de  luy.  Mais  encores  cela  ne  profiteroit  point:  car  si  les  hommes  estoyent  bien  disposez,  Satan  ne  gagneroit  rien  par  ses  illusions,  et  toutes  ses  astuces  seroyent  aussi  repoussees  :  mais  il  est  dit,  qu'il  donne  efficace  d'erreur:  voila  comme  sainct  Paul  parle.  Or  quand  il  dit:  Efficace  derreur,  c'est  a  dire,  que  les  hommes  sont  eslourdis,  qu'ils  ne  discernent  plus,  qu'ils  n'appercoivent  point  les  tromperies,  qu'ils  sont  en  telle  brutalite,  qu'ils  se  iettent  et  se  poussent  en  leur  perdition,  et  ne  iugent  rien.  C'est  Dieu  qui  les  aveugle  ainsi,  dit  sainct  Paul.  Et  pourquoy?  pource  qu'il  les  veut  ruiner.  Or  i'ay  desia  dit,  que  la  cause  souvent  nous  sera  notoire,  ainsi  que  sainct  Paul  allegue  la  de  ceux  qui  ont  ouy  l'Evangile,  et