19:47  47  EPISTOLAE  3567.3570  48  nostre  Eglise  sils  pensoient  y  ouir  precher  personnage  qui  peust  les  resoudre  et  contanter  dune  infinite  de  doubtes  coustumieres  de  voltiger  en  la  papaute:  dautres  a  demy  edifiez  qui  sous  umbre  de  ie  ne  say  quel  savoir  quils  reputent  en  eux  dedaignent  dy  entrer  synon  quon  les  asseure  d'y  trouver  ministre  aussy  profond  en  savoir  que  familier  aux  langues.  Il  y  en  a  dautres  qui  desia  ont  frequente  nos  assemblees  semblent  vouloir  sen  esloigner  et  refroidir  parce  quilz  ne  sont  pas  a  leur  advis  vivement  et  dextrement  admonestes,  sans  considerer,  comme  aussi  tresbien  le  nous  aves  escript,  que  ceux  sont  bien  dignes  de  mourir  de  faim  qui  naians  que  du  pain  bis  laissent  pour  cela  de  manger.  Voila  la  necessite  en  laquelle  ces  trois  especes  de  gens  sont  constitues,  qui  au  reste  se  rendroient  assez  faciles  et  aisez  si  nous  avions  ministre  capable  pour  les  redresser  et  pouvoir  par  effect  respondre  a  ceux  qui  cuident  le  meriter.  Asseureement  celuy  que  nous  avez  envoie2)  est  bien  bonne  personne,  mais  selon  que  ceste  ville  est  composee  dune  telle  diversite  que  lon  vous  vient  de  dire  il  est  tres  requis  que  en  aions  ung  qui  ait  de  quoy  leur  satisfaire  et  qui  leur  puisse  representer  au  vif  quelle  est  la  maieste  de  la  parole  de  Dieu.  Ne  trouvez  s'il  vous  plait  mauvais  si  presentement  nous  envoions  ce  personnage,  lun  de  nostre  compagnye,  expressement  pour  vous  suplier,  comme  nous  faisons,  ne  le  laisser  retorner  sans  que  soions  proveu  d'un  personnage  qui  puisse  bien  executer  ceste  charge.  Nous  ne  lairrons  de  donner  occasion  a  Maistre  Pierre  de  continuer  la  sienne,  et  avec  alaigresse  d'esprit  et  ou  daventure  ne  pourriez  pour  ceste  heure  nous  en  fournir  d'un  qu'il  vous  plaise  faire  tant  envers  la  classe  de  Neufchastel  que  puissions  avoir  pour  deux  ou  trois  mois  ou  autre  temps  que  regarderez  M.  Pharel,3)  et  scavons  le  bien  heur  et  profit  qu'apporteroit  sa  presence.  Croiez  quil  est  incroiable,  car  comme  ceste  ville  est  situee  la  doctrine  d'un  tel  personnage  voleroit  a  ung  instant  par  toutes  les  villes  du  long  de  ceste  riviere  et  es  environs,  ou  il  y  a  beaucoup  d'hommes  le  cueur  desquelz  bondit  desia  de  ioye  louant  Dieu  de  veoir  et  entendre  l'avenement  de  nostre  Eglise.  En  lhonneur  de  Dieu,  Messieurs,  quelle  vous  soit  pour  bien  et  singulierement  recommandee.  Nous  le  suplions,  Messieurs,  vous  donner  en  parfaite  sante  longue  et  heureuse  vie  vous  avoir  presente  noz  humbles  recommandations  a  vos  bonnes  graces.  A  Mascon  ce  11.  Octobre  1561.  Vos  humbles  et  obeissans  serviteurs.  Ceux  de  l'eglise  de  Mascon.  2)  Pierre  Bolot  (N.  3545).  Hist  eccl.  III.  187.  C'est  celui-la  meme  qui  est  appele  plus  bas  Jf��  Pierre.  C'est  par  erreur  que  le  Bulletin  I  c.  y  voit  Fornelet.  3)  qui  partait  a  cette  e'poque  meme  pour  le  midi.