15:47  47  EPISTOLAE  1916.ly  i7  4^  edicam,  et  tu  interea  pulchre  sententiam  tuam  dissimulas,  quam  cumprimis  quaerebam.  l)  De  Serveto,  quod  flammis  est  absumptus,  non  improbo  factum  senatus  Genevensis.  Existimo  autem  potuisse  illud  rectius  et  convenientius  defendi  titulo  blasphemiae  quam  titulo  haereseos,  et  minus  fuissent  offensi  boni  viri,  qui  de  haereticis  comburendis  diversum  sentiunt  et  scripserunt,  denique  non  fuisset  furori  et  crudelitati  papistarum  obiecta  occasio  in  saevitie  sua  pertinacius  quam  antea  pergendi.  Quam  solide  tueatur  suam  sententiam  Calvinus  tu  melius  excutere  poteris  quam  ego,  cui  quae  scripsit  vix  obiter  intueri  licuit.  Mihi  magis  placet  sic  agi  cum  haereticis  patienter  et  moderate,  ut  secundum  admonitionem  apostoli  locus  permittatur  resipiscentiae  ad  cognoscendum  veritatem,  evadendumque  diaboli  laqueos,  a  quo  captivi  tenentur  ad  ipsius  voluntatem.  Interea  nolim  magistratui  potestatem  coercendi  haereticos  adimi,  verum  sic  ut  sint  qui  ad  sanam  aliquando  mentem  redire  queant.  Ex  occasione  terribilium  iudicum  et  legum  utile  fuerit  eos  corrigi,  ne  in  poenas  aeterni  iudicii  incidant.  Non  necari,  inquit  Augustinus  (Epla.  127  ad  Donatum  proconsulem  Africae)  nec  disciplina  circa  eos  negligi  debet,  nec  suppliciis  quibus  digni  sunt  exerceri.  Sic  ergo  peccatum  eorum  compescatur,  ut  sint  quos  poeniteat  peccavisse.  Addit  et  illud  Augustinus:  Causas  ecclesiasticas  insinuare  vobis  nemo  praeter  ecclesiasticos  curat.  Proinde,  si  occidendos  in  his  sceleribus  homines  putaveritis,  deterrebitis  nos  ne  per  operam  nostram  ad  vestrum  iudicium  aliquid  tale  perveniat,  quo  comperto  illi  in  nostram  perniciem  licentiore  audacia  grassabuntur,  necessitate  nobis  impacta  et  indicta,  ut  etiam  occidi  ab  eis  eligamus  magis  quam  eos  occidendos  vestris  iudiciis  ingeramus.  Haec  ille,  in  quibus  meam  quoque  potes  intelligere  sententiam,  quam  sic  leges,  ut  memineris  vicissim  tibi  incumbere,  ut  quid  ipse  sentias  non  dissimules.  .  .  .  .  .  Bernae  1554.  27.  Febr.  W.  Musc.  tuus  in  Domino.  P.  S.2)  Quum  primum  venissem  Augustam  reperi  in  carceribus  duos  antesignanos  Anabaptistarum  Iacobum  Pellificem  et  Iacobum  Dachserum.3)  1916.1)  Cum  hac  epistola  non  abs  re  erit  conferre  eam  quam  nuper  Zerlcintes  ad  Calvinum  scripsit  (1904).  2)  Hoc  post-scriptum  editum  est  in  Mus.  Helv.  t.  xxviij  p.  676.  3)  Anabaptistae  Augustam  sibi  stationem  elegerunt  inde  aha.  1527.  Coryphaei  erant  Io.  Hutter,  Iac,  Kiirschner  (Pellifex)  et  Sig.  Salminger.  Post  eos  venerunt  Iac.  Dachser  et  Io.  Denk.  Antesignanis  %n  vinculis  retentis,  caeteri  virgis  caesi  urbe  eiecti  sunt  Hutterus  in  carcere  obiit  (Paul  v.  Stetten,  Gesch.  v.  Augsb.  I.  306.  328.  Qui  tamen  fallitur  quum  dicit  Dachserum  iam  ante  Musculi  adventum  (1531)  recantasse.)