13:47  47  EPISTOLAE  1073.1075  48  (Ex  Bibi.  Genev.  Cod.  112,  fol.  92.  Exemplari  aliena  manu  scripto  Sulzerus  subscripsit.)  Viro  praestantissimo  vere  eximio  Christi  servo  D.  Ioanni  Calvino  fratri  suo  in  Domino  colendissimo.  Genevae.  S.  Scriberem  libens  multa,  mi  Calvine,  de  rerum  germanicarum  statu,  si  certa  haberem.  Nam  ex  quo  Bucerus  scribere  frequentius  apertiusque  desiit,  nihil  fere  accipimus  nisi  quod  vagis  ad  nos  rumoribus  perfertur.  De  Constantiensibus  1)  audimus  adhuc  in  dubio  esse  omnia,  apud  quos  bleps*  nimis  deiecta  ad  extrema  omnia  suscipienda  parata  esse  fertur,  magistratus  tamen  pientissimi  autoritate  utcunque  cohiberi,  ut  vel  consilio  et  moderatione  aliqua  de  republica  agere  sustineat.  Interea  Helvetii  per  literas  ab  Imperatore  postularunt,  uti  sequestros  eos  in  Constantiensium  causa  esse  patiatur.  Verum  quid  sint  impetraturi  nescitur.  Augustae  abrogatas  tribus  novamque  senatus  formam  inductam  esse,  per  Caesarem  nimirum  cognovisti.  Qua  in  re  nonnihil  falsus  tamen  esse  videtur,  quando  quos  ille  in  exautoratorum  locum  substituit  non  tam  a  pietatis  affectu  se  alienos  esse  declarant  quam  ipse  existimavit,  nisi  forte  alios  mox  induant  mores.  Templa  sex  reliqua  fecit  ministris  evangelicis,  qui  et  docent  fide  qua  possunt  summa:  sic  tamen  ut  ab  adversariorum  appellatione  abstineant,  et  aliena  tantum  forma,  ut  puta  Pharisaeorum,  scribarum  et  pontificum  exemplis,  eorum  impietatem  describant  et  traducant.  Nam  iurare  coacti  sunt,  se  non  contra  sed  pro  Interim  docturos  esse.2)  Voluit  eos  episcopus  suae  ditioni  subiici,  sed  id  Imperator  non  concessit.  Haec  hodie  mihi  contubernalis  Augustanus  narravit  qui  recta  illinc  ad  nos  venit.  Caeterum  Imperator  Augusta  digressus  itidem  Ulmae  fecit,  ubi  et  ministris  omnibus  manum  intulisse  certum  est,  et  in  vincula  eos  coniecisse.  Causam  aut  praetextum  ignoramus.  Dimissos  autem  iterum  caeteros  omnes  esse  constat,  uno  Frechto  excepto,  quem  alii  simul  abductum  Spiram  esse  ferunt,  alii  in  carcerem  coniectum  detineri,  donec  conditionibus  nescio  quibus  propositis  acquiescat.  3)  Argentinenses  1073.  1)  Vide  supra  Bullingeri  ep.  N.  1025.  Euchat  V.  350.  Pestalozzi,  Bull  p.  290.  2)  Iam  d.  8.  Iulii  Interim  e  suggestibus  praefectum  fuit:  sub  finem  mensis  caeremoniae  novae  praescriptae,  pridie  nonas  Aug.  ne  contra  Interim  concionentur  edictum.  3)  TJlmae  Interim  d.  23.  Iulii  promulgatum  fuit  Ex  ministris  unus  Bonav.  SteUerus  propter  vehementem  concionem  in  vincula  coniectus  est.  Quod  etiam  de  caeteris  decrevit  Imperator  d.  14.  Aug.  urbem  ingressus,  Frechto  minime  excepto.  Spiram  quidem  abduci  iussit,  sed  intercedente  senatu  per  sex  menses  Kirchhemii  captivi  retinebantur.  (Sleid.  141.  Keim,  Bef.  v.  Vim  p.  397.)