11:47  EPISTOLAE  220.221  ceret,  quum  iuvenem  quem  ut  tironem  reputat,  vixque  censendum  in  numero  aliquo  pastorum,  ita  suo  exemplo  formet,  ea  admittendo  quae  nulla  ratione  in  iuvene  essent  ferenda.  Si  Christus  et  apostoli  ita  cum  Pharisaeis,  scribis  et  aliis  adversariis  egissent,  an  ita  plantassent  evangelium?  quid  dicturi  essent  de  nobis  evangelii  hostes  et  adversarii,  si  nos  ita  satisfacercmus  eorum  rationibus?  num  tam  impudens  esset  quod  coram  plebe  empta  Christi  sanguine,  quae  conveoit  ut  intelligat  quid  sequi  debeat,  non  rubore  suffunderetur  ita  insane  agendo?  Et  sane  hominis  amentiam  tam  potenter  compescui,  ut  ipse,  quamvis  assuetus  meretricia  fronte  omnia  agere  et  pati,  totus  pudefieret,  nec  postea  ausus  fuerit  tam  temere  ferri.  Quod  tam  impudenter  mentitur  suis  non  fuisse  satisfactum  rationibus,  vel  unam  afferat  cui  non  fuerit  plus  satis  responsum.  Nolo  hic  interrogari  eos  qui  non  fuerant  nobis  aperti  hostes,  nec  causae  aequiores,  sed  iuratissimos  hostes  ex  familia  episcopi,  qui  quum  nunquam  antea  nos  audivissent,  et  sperarent  Carolum  triumphaturum  in  tuendis  sacris  pontificiis  quae  divinissima  reputabant:  quum  audirent  nos,  tacti  fuere,  intelligentes  humana  et  impia  esse  quae  divina  sanctissimaque  arbitrabantur.  Et  quum  vellet  suas  significationes  in  vestibus,  et  nescio  quandam  observantiam  augustiorem  in  lingua  peregrina  et  suis  a  magicis  nihil  evariantibus  signis  et  actionibus,  et  aliis  quibus  coena  Domini  prorsus  sublata  fuit  et  obscurata  obtrudere:  nos  contra  proponebamus  Christum  qui  purius  docuit,  patrem  nempe  spiritu  et  veritate  sublatis  umbris  adorandum:  ut  iam  non  sit  petendus  mons  neque  Ierosolyma.  Quumque  sanctus  rex  Ezechias  serpentem  aeneum  iussu  Domini  conflatum  et  erectum,  in  quo  Deus  praesentissimam  virtutem  suam  exseruit,  sanatis,  dum  inspicerent  serpentem,  laesis  a  serpentibus:  cuius  beneficii  servatos  serpens  admonebat,  et  aliud  longe  maius  praesagiebat,  non  fictum  humano  commento,  sed  quod  Christus  revelavit,  nempe  Iesum  ipsum  ita  exaltandum  esse  et  salutem  daturum:  haec  omnia  quum  divina  fuerint,  nec  fugerint  sanctum  regem,  non  tamen  ideo  censuit  tantum  incumbendum  ut  tolleretur  superstitio,  quod  aegre  sciebat  se  impetraturum,  sed  prorsus  serpentem  ignominiose  iussit  comminuendum  :  quid  christianis  ducibus  et  magistratibus  non  est  faciendum  in  iis  quorum  superstitio  et  cultus  omnem  idololatriam  Iudaeorum  superat?  in  iis  quae  homines  male  feriati  erexerunt,  quibus  significationes  ex  arbitrio  addiderunt,  unus  sic,  alter  aliter?  Ubi  habemus  purum  Christi  institutum,  quem  scimus  omnium  sapientissimum  et  considerantissimum:  nec  dubitamus  fideliter  fuisse  conscripta  a  sacris  scriptoribus  apostolis  et  evangelistis,  quae  faciunt  ad  rem.  Hic  scilicet  potuit  hiscere  Carolus:  qui  ex  iis  quae  sensit  in  se  Genevae,  quantum  poterant