9:469  469  CHRISTI  IN  COENA.  470  Omisso  igitur  illo,  causam  breviter  excutere  in  animo  est,  quando  accuratius  cum  eo  disputare  supervacuum  foret.  Etsi  enim  ostentationis  aliquid  prae  se  fert,  nihil  tamen  aliud  quam  veteres  nugas  Westphali  et  similium  quisquilias  sua  magniloquentia  ventilat.  De  omnipotentia  Dei,  de  fide  simpliciter  verbo  eius  habenda  et  subigenda  humana  ratione  praeclare  concionatur,  ut  ex  melioribus  didicit,  in  quorum  numero  me  quoque  esse  existimo.  Nec  dubito,  ut  est  pueriliter  in  sua  gloria  stolidus,  quin  se  putet  Melanchthonem  cum  Luthero  repraesentare:  quia  ex  altero  flosculos  inepte  mutuatur:  alterius  vehementiae,  quia  melior  esse  aemulus  non  potest,  substituit  bombos  et  crepitus.  Atqui  neque  de  immensa  Dei  potentia  nobis  disceptatio  est:  et  mysterium  coenae  me  non  humana  ratione  metiri,  sed  admiratione  prosequi,  scripta  omnia  mea  declarant.  Quicunque  hodie  pro  ingenua  veritatis  defensione  strenue  certant,  me  libenter  in  societate  admittent.  In  tractando  sacrae  coenae  mysterio  fidem  me  non  abrogare  Dei  verbo  re  ipsa  probavi  :  ut  contra  vociferando  Heshusius  duntaxat  malitiae  suae  et  ingratitudinis,  non  absque  gravi  offensione,  testes  faciat  omnes  bonos.  Quod  si  a  vagis  istis  et  quasi  ludibundis  [pag.  15]  velitationibus  trahatur  ad  seriam  causae  disceptationem,  paucis  res  expedietur.  Nam  quod  principum  ignaviam  obstaculo  esse  causatur,  ne  pacandis  dissidiis  cogatur  pia  synodus,  utinam  ne  ipse  cum  similibus  furiis  omnes  concordiae  aditus  obstrueret.  Quod  nec  ipse  paulo  post  dissimulat,  dum  expedire  negat  ullam  inter  nos  disceptationem  institui.  Quaenam  igitur  pia  synodus  reperietur  eius  arbitrio,  nisi  in  qua  ducenti  sodales,  aut  circiter,  bene  saturi,  quo  zelus  eorum  sit  ferventior,  pro  more  inter  eos  pridem  trito,  nos  papistis  deteriores  et  magis  exsecrandos  esse  pronuncient?  Haec  est  confessio  quam  exigunt:  reiecta  omni  cognitione,  obstinate  tueri  quod  illis  temere  excidit  commentum.  Certe  quamvis  diabolus  horribili  modo  fascinaverit  eorum  mentes,  superbia  tamen  magis  quam  errore  tam  pertinaciter  doctrinam  nostram  ab  illis  oppugnari,  perspicue  apparet.  Verum  quia  se  ecclesiae  patronum  esse  obtendit,  atque  ut  fallaci  larva  decipiat  simplices,  subinde  sibi  arrogat  communem  omnium  qui  recte  docent  personam:  scire  velim  quorum  mandato  patrocinium  hoc  susceperit.  Ubique  haec  verba  crepat:  Nos  docemus:  Haec  nostra  sententia:  Ita  loquimur:  Sic  asserimus.  Legatur  farrago  ])  quam  coacervavit  Westphalus,  mira  illic  repugnantia  occurret.  Ac  ne  longius  petamus  exemplum,  audacter  affirmat  Westphalus  corpus  Christi  dentibus  atteri,  suoque  suffragio  confirmat,  quod  in  palinodia  Berengarii  apud  Gratianum  legitur.  Hoc  1)  le  fagotage