5:469  CONSILIUM  PAULI  III.  tis  posse  omnibus  Christianorum  votis  et  viribus  propulsari  et  comprimi.  Quod  christiani  nominis  perpetuus  hostis  est  Turca,  quid  hoc  ad  romanum  pontificem?  nisi  ut  socium  sibi  adsciscat  ad  oppugnandum  Christi  regnum,  ,quod  ferro  et  igni  quam  potest  crudelissime  persequitur.  Sed  alibi  ulcus  eum  mordet,  videt  enim  tyrannidis  suae  aemulum  imminere,  qui  non  passurus  sit  romanas  libidines  ita  licentiose  vagari,  sed  in  eo  tamen  propulsando  veteri  pro  stratagemate  usitataque  romanae  curiae  disciplina  utitur,  ut  christianos  principes  in  aciem  extrudat,  oppositis  omnium  nationum  et  capitibus  et  opibus,  tyrannidem  suam  defendat,  quietus  ipse  domi  aliorum  pericula  ex  tuto  despiciat,  quo  postea  attrita  ipsorum  virtute  melius  ac  facilius  omnes  sibi  subigat.  Interim  nothos  nothasque  suas  iis  praesidiis  ornet  ac  locupletet  quae  in  christiani  naminis  defensionem  destinari  oportuerat.  Quid  enim  aliud  sibi  vult,  quod  serenissimo  regi  Ferdinando,  quem  assiduis  contra  Turcam  bellis  videbat  implicitum  ne  annatas  quidem  in  germanicis  ecclesiis  concedere  nuper  voluit,  ad  depellendam  e  Pannoniis  et  Illirico  a  Christianorum  cervicibus  vim  turcicam:  quas  olim  non  semel  datas  esse  constat  ad  Romam  Italiamque  iuvandam.  Verumtamen  quae  ad  praesentem  materiam  conventus  protestantium  et  catholicorum  spectant,  in  quo  de  religione  et  pace  Germaniae  tractandum  est,  haec  putat  animadvertenda.  Catholicorum  etc.  Qui  communi  evangelii  fide  et  non  vulgari  cum  carne  et  mundo  consensione  catholici  sunt,  eos  aut  palam  protestari  necesse  est  contra  tot  sceleratas  sanctae  nostrae  religionis  [fol.  6]  profanationes,  aut  si  non  licet  saltem  arcano  apud  Deum  gemitu  confiteri.  Nam  quos  hic  notat  principes  non  privatae  alicuius  aut  factiosae  doctrinae  defensionem  susceperunt,  sed  quam  omnibus  saeculis  tenuit  vera  ecclesia,  eam  professi  sunt  se  velle  suo  periculo  asserere.  Ergo  quicunque  ecclesiae  consultum  volent,  hunc  affectum  induant  oportet,  ut  se  protestantibus  qui  hic  odiose  sic  nominantur  adiungant,  aut  certe  communem  cum  illis  causam  se  habere  credant.  Caesarea  et  regia  maiestates  pro  sua  prudentia  debent  meminisse  de  religione  saepius  fuisse  tractatum  cum  protestantibus,  sed  praesertim  Augustae,  ubi  quum  diu  disputatum  fuisset,  praesentibus  omnibus  statibus  imperii,  ac  multis  viris  doctissimis,  nihil  tamen  propter  tortuosos  recessus  adversariorum  potuit  concludi.  Tandem  praesentarunt  ipsi  caesareae  maiestati  confessionem  suam  augustanam.  Hic  agnosce  vicarium  eius  qui  ab  initio  mendax  fuit  et  mendacii  pater.  Quod  enim  dicit  saepius