47:469  469  DE  LA  DIVINITE  DE  CHRIST.  470  Et  notamment  il  est  dit  que  cest  Evangile  est  selon  S.  Iehan,  afin  que  nous  cognoissions  qu'il  n'est  point  d'un  homme  mortel,  mais  que  sainct  Iehan  en  est  le  ministre  tant  seulement.  De  qui  donc  dirons-nous  que  nous  tenons  l'Evangile?  de  sainct  Iehan  ou  de  lesus  Christ?  C'est  de  Iesus  Christ.  Et  mesme  Iesufr  Christ  use  de  ceste  facon  de  parler,  de  dire  que  la  doctrine  n'est  pas  siene,  mais  qu'il  la  presche  en  l'authorite  de  Dieu  son  Pere,  duquel  elle  est  procedee.  Et  c'est  afin  que  nous  portions  tant  plus  de  reverence  a  ceste  doctrine,  et  que  nous  ne  la  recevions  point  comme  une  chose  vulgaire,  mais  comme  la  pure  verite  de  Dieu,  qui  a  este  annoncee  par  son  Fils  unique.  8.  Iehan  a  donc  bien  este  l'instrument  et  Torgane  de  Dieu,  comme  une  plume  escrira  en  la  main  de  l'homme:  mais  tant  y  a  qu'il  ne  nous  faut  point  recevoir  l'Evangile  qui  a  este  escrit  par  luy  comme  d'un  homme  mortel.  Venons  maintenant  au  texte:  La  Parolles  dit-il,  estoit  au  commencement.  L'intention  de  8.  Iehan  est  de  nous  monstrer  comme  le  Fils  de  Dieu  n'a  point  commence  d'estre  lors  qu'il  est  apparu  au  monde,  qu'il  n'a  point  aussi  commence  alors  seulement  d'espandre  sa  vertu  par  tout.  Car  desia  ii  estoit  de  tout  temps,  et  devant  le  temps:  desia  sa  vertu  residoit  en  luy,  et  ne  l'a  point  prinse  d'ailleurs:  mais  il  y  a  eu  une  vertu  qui  a  este  en  la  Parolle  de  Dieu  au  commencement.  Mais  finalement  elle  a  este  manifestee:  et  nous  la  cognoissons  maintenant  quand  Iesus  Christ  a  este  envoye  au  monde.  8.  Iehan  donc  veut  yci  monstrer  que  quand  Iesus  Christ  est  venu  au  monde,  ca  este  nostre  Dieu  eternel:  qui  est  venu,  lequel  nous  a  rachetez.  Mais  encore  pour  mieux  entendre  le  tout,  il  nous  faut  noter  par  le  menu  les  choses  qui  sont  yci  dites.  La  Parolle  estoit  au  commencement  II  n'y  a  nulle  doute  qu'il  n'appelle  yci  le  Fils  de  Dieu,  la  Parolle.  La  raison  est,  pour  ce  que  c'est  la  sagesse  qui  a  este  tousiours  en  Dieu,  c'est  son  conseil  et  sa  vertu.  Il  est  vray  que  nous  n'avons  pas  yci  les  choses  exposees  selon  que  leur  gravite  le  requiert:  ie  di  mesme  comme  elles  nous  sont  proposees  par  sainct  Iehan.  Car  combien  que  l'Esprit  de  Dieu  ait  parle  par  sa  bouche,  si  est-ce  qu'il  ne  nous  a  point  encores  declare  les  choses  en  leur  grandeur  et  maieste.  Et  en  cela  nous  ne  derogons  rien  a  l'Esprit  de  Dieu,  quand  nous  disons  qu'il  n'a  point  manifeste  du  tout  et  en  perfection  les  choses  qui  sont  yci  signifiees:  car  le  sainct  Esprit  s'accommode  a  nostre  infirmite.  Et  de  faict  si  nous  ouyons  Dieu  parlant  a  nous  en  sa  Maieste,  cela  nous  seroit  inutile,  d'autant  que  nous  n'y  comprendrions  rien.  Ainsi  pour  ce  que  nous  sommes  charnels,  il  faut  qu'il  begaye,  ou  autrement  il  ne  seroit  point  entendu  de  nous.  Par  cela  donc  nous