32:469  469  SERMON  SUR  LE  PSEAUME  CXXIV.  470  de  la  cruaute  des  tyrans,  et  des  iniques.  Nons  luy  en  devons  louenge.  Or  maintenant  regardons  si  l'Esprit  de  Dieu  ne  nous  enseigne  point  par  la  bouche  de  David  quel  est  nostre  office.  Israel  die  maintenons  Si  le  Seigneur  n'eust  este  pour  nous.  Si  le  Seigneur  n'eust  este  pour  nous  quand  les  hommes  s'1  eslevoyent  contre  nous,  ite  nous  eussent  engloutie.  Voicy  une  exhortation  que  fait  le  Prophete  appellant  tout  le  peuple.  Mes  amis  il  vous  faut  dire:  Si  le  Seigneur  n'eust  este  de  nostre  coste  que  fut  il  advenu?  Les  meschans  nous  eussent  engloutiz  tous  vivans.  Ilz  ont  une  cruaute  insatiable,  ilz  ne  demandent  sinon  la  ruine  du  peuple  de  Dieu.  Il  les  accompare  donc  icy  a  des  gouffres,  qui  engloutissent  tout  ce  qui  tombe  eu  leur  gueulle.  Il  semble  que  le  Prophete  ayt  compose  ce  Pseaume  tout  expressement  pour  nous  enseigner  de  ce  que  nous  voyons  auiourdhuy  par  experience.  Apres,  il  use  d'une  autre  similitude,  disant,  qu'ilz  resemblent  a  une  riviere  desbordee,  ou  qu'ilz  sont  comme  une  eaue  impetueuse,  ainsi  que  s'il  y  avoit  un  torrent  amasse  de  grosses  pluyes.  Voila  comment  ilz  nous  eussent  accablez.  Tiercement  il  les  fait  semblables  a  lions,  ou  loups,  ou  autres  bestes  cruelles,  qui  ne  demandent  que  proye:  et  brisent  et  descinrent  aux  dentz  tout  ce  qu'elles  peuvent  attrapper.  La  quatriesme  similitude  est  des  oiseliers,  de  laquelle  nous  parlerons  cy  apres.  Parquoy  nous  eussions  este  du  tout  destruis,  si  nostre  Seigneur  n'y  eust  proveu,  nostre  vie  eust  este  perie,  le  gouffre  nous  eust  engloutis,  le  torrent  eust  passe  par  dessus  noz  ames,  les  bestes  sauvages  nous  eussent  maugez.  Et  pourtant  dit  il,  ayant  une  telle  cognoissance,  benissons  Dieu.  Disons  tous:  Le  Seigneur  soit  benit  qui  ria  point  permis  que  nous  soyons  la  proye  de  leurs  denU.  Ilz  estoyent  prestz  a  nous  manger.  Beneissons  ce  bon  Dieu.  Comment  sommes  nous  eschappez?  Nostre  ame  estoit  comme  un  petit  oyseau  qui  seroit  desia  entre  les  filets.  Un  oyseau,  quand  les  retz  sont  tenduz,  ne  se  doute  de  rien,  quand  il  est  prins  c'est  fait  de  sa  vie,  sinon  que  les  filetz  se  rompent.  En  cela  il  denote  que  les  meschans  ne  font  pas  seulement  la  guerre  ouverte  aux  enfans  de  Dieu,  mais  machinent  leur  destruction  en  cachettes.  Comme  a  la  verite  noz  ennemis  avoyent  bien  fait  leurs  practiques  secrettes,  et  menees,  de  longue  main,  nostre  Seigneur  a  rompu  les  retz.  Nous  avons  bien  matiere  de  le  louer.  Et  non  seulement  cela,  que  ce  que  nous  avons  desia  senty  de  sa  grace  nous  incite  a  dire:  Nostre  ayde  est  au  nom  du  Seigneur  qui  a  fait  le  ciel  et  la  terre.  C'est  luy  qui  a  tout  cree,  c'est  luy  qui  peut  assubiettir  tous  peuples  a  soy.  Confions  nous  hardiment  pour  l'advenir  a  luy,  luy  rendans  louenge  pour  le  passe.  Que  nous  prenions  une  assurance  la  dessus.  Iamais  ce  bon  Dieu  ne  nous  defaudra,