25:469  469  COMMENTARIUS  IN  IOSUE  CAR  VI.  470  non  est  ipsos  operam  ludere,  fidem  verbo  suo  asseruit.  Altera  nihilo  inferior  virtus,  quod  spreto  illicito  quaestu,  totam  praedam  alacriter  perdiderunt.  Neque  enim  dubium,  quin  multis  obrepserit  ista  cogitatio,  quorsum  Deus  tantas  opes  perire  vult?  cur  nobis  invidet  quae  dedit  in  manum?  cur  non  potius  non  exhilarat,  ut  materiam  gratiarum  actionis  suppeditet?  Ergo  rationibus  quae  officium  interrumpere  poterant,  valere  iussis,  ultro  abiicere  quae  in  manibus  erant  spolia,  et  urbis  unius  opes,  rarae  et  eximiae  continentiae  fuit.  Quod  nullo  aetatis  et  sexus  discrimine  tam  seminas  quam  pueros  infantes  ac  senes  iam  caducos  et  decrepitos  promiscue  trucidarunt,  videri  posset  immanis  strages,  nisi  Dei  iussu  fuisset  edita.  Sed  quia  ipse  in  cuius  arbitrio  sunt  vita  et  mors,  iuste  ad  interitum  destinaverat  gentes  illas,  facessat  omnis  disceptatio.  Adde  quod  iam  quatuor  sacculis  eas  toleraverat,  donec  completa  esset  ipsarum  iniquitas.  Quis  nunc  de  immodico  rigore  queratur,  ubi  Deus  tam  diu  iudicium  suum  suspendit?  Si  excipiat  quispiam,  saltem  pueros  infantes  adhuc  immunes  fuisse  a  culpa,  in  promptu  est  solutio,  quia  maledicta  erat  ac  reproba  soboles,  iusto  periisse.  Hoc  quidem  fixum  manere  debet,  quod  atrociter  et  barbara  saevitia  factum  esset,  si  pro  sua  libidine  et  iracundia  teneros  foetus  cum  matribus  iugulassent  Israelitae,  nunc  merito  conferri  piam  et  laude  dignam  strenuitatem,  sanctoque  zelo  adscribi,  dum  exsequuntur  Dei  mandatum,  qui  terram  Chanaan  hoc  modo  foedis  et  pridem  foetidis  ac  putrefactis  sordibus  purgare  voluit.  22.  Duobus  autem  viris.  Fides  quidem  Iosue  in  servandis  promissis  et  integritas  in  hac  sollicitudine  apparent:  verum  quia  anathemati  subiecta  erat  tqta  urbs,  de  exceptione  unius  familiae  moveri  potest  quaestio.  Neque  enim  liberum  fuit  honiini  mortali,  quidquam  in  Dei  sententia  mutare.  Verum  quia  de  sua  impunitate  Rahab  nonnisi  spiritus  instinctu  pepigerat:  nihil  in  ea  servanda  Iosue  nisi  considerate  et  prudenter  fecisse  statuo.  Adde  quod  nulla  adhuc  religio  nuncios  tenebat,  antequam  de  urbis  excidio  pronunciatum  esset.  Audierant  quidem  in  genere,  delendas  esse  omnes  illas  gentes:  libera  tamen  fuit  cum  una  muliere  pactio,  quae  sponte  a  suis  desciverat.  Quanquam  solutio  longe  expeditior  postea  occurret:  nempe  dum  ex  Dei  praescripto  hortati  sunt  Israelitae  ad  deditionem  quoscunque  aggrediebantur,  spe  veniae  proposita:  illi  autem  excaecati  pertinaciter  abnuerunt  pacem  sibi  oblatam,  quia  Deus  omnes  perdere  decreverat.  Quum  publice  omnes  in  suam  perniciem  fuerint  obdurati:  sequitur  Rahab  privilegio  fuisse  exemptam,  ut  aliis  pereuntibus  incolumis  evaderet.  Prudenter  ergo  reputavit  Iosue,  non  absque  peculiari  Dei  gratia  mulierem  quae  sponte  ad  ecclesiam  transierat,  mature  fuisse  ereptam.  Dissimilis  quidem  patris  et