9:468  voluerit,  saepius  propria  inquietudine  fuisse  excussum.  Sic  Grosslaria,  Rostochio,  Heldelberga,  Brema  pulsus,  Magdeburgum  nuper  concessit.  Ac  laudi  quidem  danda  essent  exsilia,  si  pro  constanti  veritatis  confessione  solum  vertere  saepius  coactus  esset:  sed  quum  homo  inexplebili  ambitione  plenus,  contentionibus  et  rixis  deditus,  immani  vero  ferocia  ubique  fuerit  intolerabilis,  non  est  cur  queratur  aliorum  iniuria  se  fuisse  vexatum,  qui  sua  importunitate  molestias  homini  delicato  graves  exhibuit.  Interea  [pag.  13]  tamen  provide  sibi  cavit,  ne  damnosae  essent  migrationes.  Quin  etiam  divitiae  ipsum  magis  animosum  reddunt.  Postea  vastam  barbariem  deplorat,  quae  videtur  impendere.  Quasi  vero  ulla  maior  aut  truculentior,  quam  eius  et  similium  metuenda  sit.  Ne  longius  petatur  probatio,  paulisper  expendant  lectores  quam  atrociter  Philippum  Melanchthonem  suum  praeceptorem,  cuius  memoriam  sancte  revereri  debuerat,  sugillet  ac  laceret.  Abstinet  quidem  a  nomine:  sed  quos  intelligitJ)  doctrinae  nostrae  suffragari,  qui  doctrina  et  autoritate  clarent  in  ecclesia,  et  qui  summi  sunt  theologi?  Quanquam  ne  coniecturis  agendum  sit,  probrosis  elogiis  Philippum  ita  digito  monstrat,  ut  videri  possit  data  opera  materiam  eius  traducendi  in  scribendo  libro  captasse.  Age,  non  potuit  verecundius  tractare  suum  praeceptorem  quam  perfidiam  et  sacrilegium  obiectando.  Neque  enim  dubitat  eum  fallaciae  reum  facere,  quod  ambiguis  vocibus  ludat,  ut  parti  utrique  gratificetur,  et  Theramenicis  artibus2)  componere  dissidium  hoc  tentet.  Gravius  quod  postea  sequitur,  perniciosissimo  crimine  se  foedissime  contaminasse,  ut  confessio  fidei,  quae  lucere  in  ecclesia  debet,  exstingueretur.  En  pia  discipuli  gratitudo  non  modo  erga  eum  ex  quo  didicit  si  quid  habet,  sed  erga  hominem  tam  praeclare  de  tota  ecclesia  meritum!  Mihi  porro  quam  vere  obiiciat  meis  argutiis  perplexam  reddi  hanc  disputationem,  ex  ipsa  causae  actione  melius  patebit.  Epicureum  vero  dogma  vocare  quo  sacrae  coenae  mysterium  non  minus  religiose  quam  utiliter  explicamus,  quid  aliud  est  quam  obscoena  maledicendi  licentia  cum  ganeonibus  et  lenonibus  certare  ?  Epicurismum  quaerat  ipse  in  suis  moribus,  [pag.  14]  Certe  et  frugalitas  nostra,  et  assidui  pro  ecclesia  labores,  et  in  periculis  constantia,  et  sedulitas  in  obeundo  munere,  et  indefessum  in  propagando  Christi  regno  studium,  et  in  asserenda  pietatis  doctrina  integritas,  seria  denique  in  meditatione  vitae  coelestis  exercitatio  testabitur  nos  a  profano  Dei  contemptu  longissime  abesse:  cuius  utinam  hic  Thraso3)  non  sibi  esset  conscius.  Sed  de  homine  plura  quam  statueram.  1)  mais  que  veut-il  que  l'on  entende  par  ceux  etc.  2)  avec  des  tours  de  passe-passe.  3)  ce  maistre  cuisinier.