55:468  et  Christi  ludibrium  abutuntur:  imo  facetiarum  colore  omnem  religionem  subsannant:  et  quum  pecudum  in  morem  carni  suae  sint  addicti,  fidelibus  tamen  se  permiscent:  garriunt  aliquid  de  evangelio,  sed  interea  linguam  prostituunt  in  obsequium  diaboli,  ut  totum  mundum,  quoad  in  se  est,  aeterno  exitio  devoveant:  hac  in  parte  peiores  ipso  Balaam,  quod  gratuito  maledictiones  suas  fundunt,  quum  ille  nonnisi  mercede  illectus,  ad  maledicendum  proruperit.  17.  Ii  sunt  fontes  sine  aqua,  nebulae  quae  a  turbine  aguntur,  quibus  caligo  tenebrarum  in  aeternum  parata  est  18.  Nam  ubi  plusquam  fastuosa  vanitatis  verba  sonuerint,  inescant  per  concupiscentias  carnis  lasciviis  eos,  qui  vere  aufugerant  ab  iis  qui  in  errore  versantur:  19.  dum  Ubertatem  illis  promittunt,  quum  ipsi  sint  servi  corruptionis.  A  quo  enim  quis  superatus  est,  huic  in  servitutem  est  addictus.  17.  Fontes  sine  aqua.  Duabus  istis  metaphoris  docet,  eos  nihil  intus  habere,  quum  magnam  speciem  ostentent.  Fons  adspectu  suo  homines  ad  se  invitat,  quia  usum  aquae  promittit  tam  ad  potum,  quam  alias  vitae  commoditates:  simul  ac  apparent  nebulae,  spem  imminentis  pluviae  faciunt  ad  terram  irrigandam.  Dicit  ergo  istos  fontibus  esse  similes,  quia  pollent  iactantia,  acumen  aliquod  in  sententiis,  in  verbis  leporem  prae  se  ferunt:  intus  tamen  aridos  esse  ac  steriles:  ideo  fallacem  esse  fontis  figuram.  Dicit  n  e  b  u  l  a  s  esse  quae  a  v  e  n  t  o  d  i  s  c  u  t  i  u  n  t  u  r  s  i  n  e  p  l  u  v  i  a  ,  aut  in  calamitosam  procellam  erumpunt.  Quo  denotat,  nihil  utilitatis  unquam  afferre,  saepe  autem  esse  valde  noxios.  Postea  illis  iterum  denuntiat  horribile  iudicium  Dei,  nt  hic  metus  retineat  fideles.  Quamquam  dum  t  e  n  e  b  r  a  r  u  m  c  a  l  i  g  i  n  e  m  nominat,  alludit  ad  nebulas  quae  rem  obscurant:  ac  si  diceret,  pro  momentaneis  tenebris  quas  nunc  offundunt,  illis  multo  densiores  ac  aeternas  paratas  esse.  18.  Ubi  plusquam  fastuosa.  Significat  verborum  ampullis  perstringere  simplicium  oculos?  ut  fraudem  animadvertere  nequeant.  Neque  enim  talibus  deliriis  mentes  capi  facile  esset,  nisi  prius  essent  aliquo  artificio  obstupefactae.  Sonorum  ergo  et  inflatum  orationis  genus  illis  esse  dicit,  quo  in  admirationem  incautos  rapiant.  Deinde  grandiloquentia  illa  quam  pulmo  animae  praelargus  anhelat  (ut  inquit  Persius1)  tegendis  ambagibus  valde  est  apposita.  Huiusmodi  astutiam  in  Valentino  et  similibus  olim  fuisse,  ex  libris  Irenaei  colligere  licet.  Voces  enim  prius  inauditas  excuderant,  quarum  inani  crepitu  perculsi  imperiti,  eorum  deliriis  irretiebantur.  Nec  secus  hodie  phrenetici  quidam,  qui  plausibili  *)  Satis.  I.  14.