35:468  raison.  Il  faut  donc  que  Dieu  nous  face  honte,  nous  renvoyant  aux  bestes.  Et  puis,  il  y  a  l'obstination  aussi  bien,  que  quoy  qu'on  nous  propose,  combien  que  nos  povretez  nous  soyent  descouvertes,  si  cerchons-nous  tousiours  quelques  subterfuges,  et  fuyons  tant  qu'il  nous  est  possible,  le  iugement  de  Dieu.  Il  faut  donc  que  Dieu  rompe  ceste  durto-la  comme  par  force,  et  qu'il  nous  face  plier  sous  luy,  Et  ainsi  quand  nous  serions  foulez  des  elephans,  quand  ils  marcheroyent  sur  nos  ventres:  nous  en  sommes  dignes,  puis  que  nous  ne  voulons  point  glorifier  celuy  qui  les  a  formez  avec  nous,  et  ne  luy  voulons  pas  faire  Thommage  qui  luy  est  deu.  Mais  contentons-nous  de  ce  que  Dieu  nous  renvoye  a  leur  escole,  afin  que  nous  soyons  enseignez  a  nous  humilier.  Et  puis,  nous  serions  dignes  d'estre  engloutis  par  les  balaines,  voire  que  la  mer  dominast  sur  toute  la  terre  (comme  il  a  este  declare  cy  dessus  qu'elle  feroit,  n'estoit  que  Dieu  par  sa  grace  nous  y  veut  loger,  et  nous  supporter  d'une  bonte  infinie,  combien  que  nous  meritions  d'estre  abysmez  a  chacune  minute  de  temps)  mais  contentons-nous  que  Dieu  nous  donne  instruction  et  sur  la  terre  et  en  la  mer,  et  qu'il  faut  que  tout  revienne  a  nostre  salut:  comme  aussi  il  fera,  sinon  que  nous  en  soyons  destournez  par  nostre  laschete,  ignorance,  et  malice.  Voila  donc  le  principal  que  nous  avons  a  recueillir  de  ce  passage.  Or  devant  que  deschiffrer  ceste  description  par  le  menu,  notons  ce  qui  est  icy  dit,  car  Dieu  declare  a  quelle  intention  ilfparle  ainsi  de  la  balaine.  Il  dit,  Qui  est-ce  qui  consistera  en  ma  presence?  Puis  qu'ainsi  est  que  les  hommes  n'oseroyent  resveiller  la  balaine,  qu'ils  n'en  oseroyent  approcher:  qui  est  celuy,  dit-il,  qui  se  pourra  maintenir  devant  moy?  C'est  la  comparaison  que  nous  avons  desia  touchee:  c'est  assavoir  que  si  les  creatures  qui  ne  sont  rien  qu'une  bien  petite  portion  de  la  vertu  de  Dieu  nous  estonnent,  que  sera-ce  de  sa  maieste  infinie?  Qu'est-ce  que  tout  le  monde  au  regard  de  Dieu?  Il  est  dit  qu'il  tient  et  ciel  et  terre,  et  qu'il  ne  faut  point  qu'il  estende  ses  bras  pour  embrasser  ce  grand  circuit,  mais  tout  est  enclos  en  sa  main.  Or  une  balaine  n'est  qu'une  bien  petite  portion,  quelque  grosse  masse  de  chair  qu'il  y  ait,  voire  et  combien  qu'il  y  en  ait  beaucoup  en  la  mer.  Ainsi  donc  outre  ceste  infinite  d'autres  poissons  et  grans  et  menus  qui  sont  en  la  mer,  lesquels  Dieu  a  faits  et  gouverne,  voila  les  balaines  qui  y  sont  comprinses.  Puis  qu'ainsi  est  donc  que  Dieu  en  sa  gloire  comprend  tout,  et  le  comprend  comme  une  chose  de  rien:  ne  devons-nous  pas  bien  estre  estonnez  devant  luy,  quand  une  simple  beste  nous  effarouche,  comme  il  nous  est  icy  monstre?  Et  pour  confirmation  de  cela  il  est  dit,  Que