32:468  des  Romains:  il  sera  la  ordonne.  Or  son  pere  Perdinand  l'a  fait  iurer  sur  toutes  ses  idoles  de  iamais  ne  renoncer  au  Pape.  Puis  la  guerre  ouverte  d'un  coste,  prester  gens  de  main  en  main.  Ce  sera  tousiours  pour  amuser  les  autres,  empescher  les  Protestans  en  leurs  maisons,  a  ce  qu'ilz  n'ayent  pas  loysir  de  subvenir  a  persone.  Si  nostre  Seigneur  leur  eust  donne  quelque  avantage,  que  fut  il  advenu?  Puis  que  desia  leur  rage  estoit  ainsi  enflambee,  incontinent  nous  eussions  veu  un  feu  par  tout.  On  eust  dit,  voila  Allemaigne,  qui  s'entretue.  Et  a  moins  de  lever  le  doigt,  la  guerre  eust  este  sur  noz  testes.  Voila  le  conseil  de  Satan,  et  de  toute  sa  sequelle.  Comment  y  a  proveu  nostre  Seigneur  en  un  moment  devant  qu'on  y  pensast?  Le  capitaine,  un  meurtrier  ordinaire,  qui  desia  au  paravant  avoit  este  convaincu  d'estre  boutefeu,  et  avoir  loue  les  boutefeux,  comme  par  soixante  povres  malheureux,  il  fut  accuse  tel,  qui  ont  este  executez  pour  avoir  servy  en  sa  meschancete.  Voila  donc  le  capitaine  des  brigans.  Comment  y  a  nostre  Seigneur  proveu?  Il  a  este  livre  sans  grande  effusion  de  sang  entre  les  mains  des  serviteurs  de  Dieu.  Puis  que  nostre  Seigneur  a  destruit  une  telle  machination,  notons  qu'il  a  eu  pitie  de  sa  povre  Eglise.  Regardons  si  nous  n'avons  bon  mestier  de  le  remercier,  de  faire  protestation  que  cest  oeuvre  est  sienne.  Si  les  Papistes  eussent  eu  quelque  advantage,  outre  la  cruaute  qu'ils  eussent  exercee,  on  eust  faict  les  feux  de  ioye  iusques  en  Espagne,  et  par  toute  Italie,  le  nom  de  Dieu  eust  este  blaspheme  entre  tous  les  idolatres.  Maintenant  devons  nous  estre  muetz?  Ilz  eussent  sacrifie  a  leurs  idoles.  IJz  eussent  faict  des  processions.  Et  quand  la  bonte  de  Dieu  s'est  enclinee,  de  nostre  coste,  de  passer  un  tel  benefice  sans  en  faire  recognoissance  solennelle,  seroit  ce  raison?  Il  faut  bien  donc  que  nous  facions  autant  d'honneur  a  Dieu  que  les  Papistes  feroyent  a,  leurs  marmosetz.  Cela  sera  dit  puis  apres  plus  amplement.  >  Voicy  donc  pourquoy  nous  somnes  convenus.  C'est  d'autant  que  nostre  Seigneur  a  brise  les  cornes  de  Sathan  et  des  Papistes  :  et  a  donne  victoire  a  ses  fideles,  par  ce  moyen  il  nous  a  delivre