25:468  subsidia.  Sed  debuit  aequis  animis,  quia  a  pugna  abstinuerat,  praedam  non  attingere  :  Deoque  libenter  cedere  ac  remittere  victoriae  praemium,  cuius  solo  nutu  muri  urbis  corruerant,  et  una  cum  illis  conciderant  civium  animi.  Deus  quidem  hoc  gratitudinis  pignore  ita  contentus  fuit,  ut  tamen  populus  mature  disceret,  nihil  nisi  ex  gratuita  eius  liberalitate  esse  suum.  Eodem  enim  iure  addictae  fuissent  aliae  quoque  urbes  excidio,  nisi  quia  suis  habitandas  concessit.  De  voce  Oin  breviter  id  tantum  nunc  repetam  ex  aliis  locis:  dum  refertur  ad  sacras  oblationes,  pro  abolitione  sumi  hominum  respectu,  ut  rebus  eo  modo  devotis  non  secus  renuncient,  ac  si  in  nihilum  essent  redactae.  Id  est  Graecis  ava&i][A>a  vel  ava&��fjia  quasi  sepositum:  nos  lingua  gallica  apte  interdictum  vocamus.  Hinc  exhortatio,  ut  caveant  ab  anathemate:  quia  perierat  quoad  homines,  quod  uni  Deo  erat  separatum.  Aliter  proximo  versu  accipitur,  ne  castra  Israel  sint  in  anathema,  quia  simpliciter  notatur  excidium,  perditio,  vel  interitus.  Porro  vasa  ex  metallis  fabrefacta  destinavit  Deus  in  usum  sanctuarii,  alia  omnia  incendio  consumi  vel  aliis  modis  deleri  iussit.  20.  Itaque  vociferatus  est  populus  postquam  clanxerunt  tubis.  Quum  enim  audisset  populus  vocem  tubarum,  vociferatus  est  vociferatione  maxima,  et  cecidit  murus  subtus,  tum  ascendit  populus  in  urbem  quisque  e  regione  sua,  et  ceperunt  eam.  21.  Et  perdiderunt  omnia  quae  erant  in  urbe,  a  viro  usque  ad  mulierem,  a  puero  usque  ad  senem,  ad  bovem  et  ovem,  et  asinum,  acie  gladii.  22.  Duobus  autem  viris  qui  exploraverant  terram  dixit  Iosue:  Ingredimini  domum  mulieris  meretricis,  et  inde  educite  eam,  et  quaecunque  habet,  quemadmodum  iurastis  ei.  23.  Ingressi  itaque  exploratores  eduxerunt  Bachab,  et  patrem  eius,  et  matrem  eius,  et  fratres  eius,  et  quaecunque  habebat,  et  totam  cognationem  eius  eduxerunt,  ac  locarunt  eckra  castra  Israel.  24.  Urbem  vero  succenderunt  igni,  et  quaecunque  erant  in  ea:  tantummodo  aurum,  et  argentum,  vasa  aerea  et  ferrea  posuerunt  in  thesauro  domus  Iehovae.  25.  Itaque  Bahab  meretricem,  et  domum  patris  eius,  et  quaecunque  habebat  vivere  fecit  Iosue:  habitavitque  in  medio  Israel  usque  ad  hunc  diem,  quia  absconderat  nuncios  quos  miserat  Iosue  ad  explorandum  Iericho.  26.  Adiuravit  autem  Iosue  tempore  illo  dicendo:  Maledictus  vir  coram  Iehova  qui  surget,  ut  aedificet  urbem  istam  Iericho.  In  primogenito  suo  fundabit  eam,  et  in  minore  suo  statuet  portas  eius.  27.  Fuit  autem  Iehova  cum  Iosue,  et  fama  eius  fuit  in  tota  terra.  20.  Itaque  vociferatus.  Hic  laudatur  populi  obsequium,  et  simul  Dei  veritas  cqlebratur.  Fidem  suam  clamore  testati  sunt,  quia  persuasi  erant  non  frustra  id  sibi  praecipi  :  et  Deus  vicissim  dum  passus