20:468  4195.  DU  PARO  CALVINO.  Ecclesias  in  diversis  locis  provinciae  Lemovicensis  constitutas  tradit  et  ministros  a  Genevensibus  missos  in  suas  stationes  abiisse.  Verum  et  hic  edictum  regium  cwrsum  evangelii  impedit  (Ex  autographo  Cod.  Genev.  109,  fol.  115.)  D.  Carolo  Passelio  et  suis  unice  dilectis.  Genevae.  Salutem  per  Christum  Iesum.  Si  in  ratione  nostri  ministerii  vel  paululum  essemus  progressi,  longiores  scriberemus  literas:  sed  quia  in  primis  adhuc  initiis  versamur,  et  periculose  admodum,  praecipue  qui  Lemovicibus  agimus,  non  habemus  in  praesentia  quod  paucis  expedire  non  possimus.  Ex  fratribus  Thononiensis  Brivae  praefectus  est:  et  Morgiensis  Usarche  et  Trignac  uterque  in  inferiore  parte  provinciae  Lemoviciae.  Gayensis  autem  ad  S.  Hyriacum  dimissus  est.  Tandem  vero  ego  et  Iverdunensis  Lemovicibus  designati  fuimus,  electione  ac  distributione  singulorum  coram  senioribus  omnium  ecclesiarum  facta.  *)  Die  Veneris  mane  hora  quarta  primam  ad  populum  habuimus  uterque  in  sua  statione  concionem,  intra  moenia.  Postridie  summo  mane  foras  prodiimus  ad  septa  vinearum.  Die  vero  dominica  sub  meridiem  multi  qui  non  erant  de  ecclesia  accesserunt,  ita  ut  ad  numerum  circiter  quadringentorum  hominum  assurrexerit  coetus  qui  Dei  gratia  in  urbem  laetus  se  recepit.  Quos  magis  timebamus  illos  vidimus  omnium  fere  primos  pecunias  in  subsidium  pauperum  hilariter  largientes.  Haec  quidem  nobis  animos  addunt,  sed  Satan  nobis  plurimum  adversatur,  qui  die  sabbato  consiliarios  regios  et  consules  urbis  praesides  induxit  ut  regio  nomine  edictum  cum  cythara  publicaverint,  ne  quis  accederet  vel  publicas  vel  privatas  ministrorum  conciones  ad  poenam  confiscationis  corporis  et  facultatum.  Edictum  sane  habemus  prae  manibus  impressum.  2)  Exspectamus  in  horas  aliquam  magnam  turbam,  nisi  Dominus  adsit,  quod  mox  a  publicatione  edicti  non  noctu  sed  ad  meridiem,  quasi  illis  invitis,  convenerimus.  Orate  Dominum  pro  me,  quoniam  solus  hic  sum,  quum  collega  meus  ad  duas  ecclesias  sit  destinatus,  Emontiers  et  Hesse:  fortasse  semel  in  mense  concionari  hic  poterit.  Sed  esto.  Hoc  me  male  habet  quod  nullum  habemus  virum  4195.  1)  Patet  hic  agi  de  ministris  a.  1559  -curo  Vireto  a  Bernensibus  dimissis  et  a  Genevensibus  sine  mora  in  Galliam  missis.  2)  Edit  ffEscouan  m.  lunio  1559  promulgatum.