9:467  467  DE  VERA  PARTICIPATIONE  468  versiam  dirimat  quia  inde  perspicere  facile  erit  quales  ex  labrusca  staphyli  nascantur.  1)  Venio  nunc  ad  Gallum,  vel  Bubonem,2)  qui  me  infausto  suo  rostro  corruptorem  pronunciat  Augustanae  confessionis,  quia  negem  in  sacra  coena  fieri  nos  participes  substantiae  carnis  et  sanguinis  Christi.  Atqui  plus  centies  occurrit  in  scriptis  meis,  adeo  me  non  reiicere  substantiae  nomen,  ut  ingenue  et  libenter  profitear  spiritualem  vitam  incomprehensibili  spiritus  virtute  ex  carnis  Christi  substantia  in  nos  diffundi.  Ubique  etiam  admitto,  substantialiter  nos  pasci  Christi  carne  et  sanguine:  modo  facessat  crassum  de  locali  permixtione  commentum.  Quid  igitur?  An  quia  gallo8)  cristam  in  me  erigere  libuit,  terrore  attonitae  erunt  omnium  mentes,  ut  nihil  iudicent?  Ego  vero  ne  sim  ridiculus,  a  longa  refutatione  eius  scripti  supersedeo,  quod  autorem  suum  non  minus  insulsum  esse  prodit  quam  stolida  audacia  ebrium.  Certe  non  fuisse  tunc  mentis  compotem  aperte  clamitat.  Quid  vero  Tilemano  Heshusio  faciam?  qui  superba  et  sonora  verborum  copia  magnifice  instructus,  flatu  suo  prostratum  iri  confidit  quidquid  impetum  suum  moratur.  Dicunt  etiam  boni  viri  quibus  propius  notus  est,  alia  fiducia  esse  inflatum:  quod  gloriam  sibi  ex  paradoxis  et  opinionum  absurditate  praecipue  quaerendam  [pag.  12]  esse  decreverit.  Forte  quia  illuc  eum  rapit  naturae  intemperies,  vel  quod  videt  in  moderata  docendi  ratione  nullum  sibi  laudis  gradum  relinqui,  quum  tamen  ambitione  totus  ad  insaniam  usque  flagret.  Certe  in  suo  libello  turbulenti  se  ingenii  hominem,  praecipitis  etiam  audaciae  et  temeritatis  esse  prodit.  Ex  praefatione  pauca  tantum  attingam,  quae  gustum  lectoribus  praebeant.  Idem  prorsus  facit  quod  Cicero  ineptos  sui  temporis  rabulas  fecisse  narrat,  ut  plausibili  aliquo  exordio,  quod  ex  veteri  aliqua  oratione  furati  erant,  coronae  exspectationem  moverent.  Ita  bonus  hic  scriptor,  occupatis  lectorum  animis,  colligit  ex  magistro  suo  Melanchthone  aptas  et  concinnas  sententias,  quibus  se  in  gratiam  insinuet,  vel  aliquid  maiestatis  acquirat:  ac  si  vel  purpuram  indueret  simia,  vel  asinus  leonis  pelle  se  obtegeret.  Concionatur  de  ingentibus  suis  periculis,  qui  semper  non  minus  secure,  quam  laute,  delicias  suas  coluit.  Praedicat  multiplices  aerumnas,  qui  cum  largos  thesauros  habeat  domi  repositos,  semper  amplis  stipendiis  suas  operas  vendiderit,  omnia  tamen  solus  ingurgitat.4)  Verum  quidem  est,  quum  multis  locis  tranquillum  nidum  figere  1)  quels  aigrets  naissent  d'une  vigne  si  sauvage.  2)  Ie  reviens  maintenant  au  Coq  ou  plustost  Chathuant.  3)  ce  maistre  Coq.  4)  II  met  en  avant  ses  courvees  infinies  luy  qui,  encores  qu'il  ait  ses  bouges  pleines  en  sa  maison,  pour  cela  n'a-il  laisse  de  vendre  tousiours  au  double  sa  besongne,  voire  pour  engouler  tout  cela  luy  seul.