55:467  467  EPIST.  PETRI  II  468  renter  ad  peccandum  inquieto  motu  feruntur:  sicuti  etiam  mox  exprimit.  14.  Inescantes  animas.  Metaphora  inescandi,  fideles  admonet  ut  sibi  caveant  ab  occultis  et  fraudulentis  eorum  captionibus:  nam  eorem  imposturas  hamis  comparat  qui  possent  incautos  ad  interitum  rapere.  Quum  addit,  animas  i  n  s  t  a  b  i  l  e  s  ,  cavendi  rationem  demonstrat,  si  firmas  in  fide  et  timore  Domini  radices  egerimus:  ac  simul  indicat,  nulla  excusatione  esse  dignos  qui  se  talibus  blanditiis  inescari  sinunt:  quia  hoc  eorum  levitati  sit  imputandum.  Adsit  ergo  fidei  stabilitas,  et  ab  impiorum  capturis  tuti  erimus.  Cor  exercitatum  cupiditatibus.  Erasmus  rapinas  vertit:  et  ambigua  est  graecae  vocis  significatio.  Ego  cupiditates  malo:  quia  sicuti  prius  incontinentiam  damnavit  in  eorum  oculis,  ita  nunc  videtur  quae  in  corde  latent  vitia  notare.  Ad  avaritiam  porro  hoc  restringi  non  debet.  Quod  e  l  a  c  e  r  a  -  ti  il  e  s  filios  nominat,  tam  active  quam  passive  posset  exponi:  hoc  est,  qui  maledictionem,  quocunque  veniant,  secum  afferunt,  vel  qui  digni  sunt  exsecratione.  Quoniam  autem  hactenus  recensuit  quantum  perversae  turpisque  vitae  exemplo  noceant:  iterum  repetit,  letale  impietatis  venenum  in  doctrina  eos  spargere,  quo  simplices  interimant.  Comparat  eos  cum  Balaam  filio  Bozor,  qui  linguam  habuit  venalem  ad  maledicendum  populo  Dei.  Atque  ut  indignos  longa  refutatione  esse  ostendat,  dicit  Balaam  reprehensum  fuisse  ab  asina,  atque  ita  convictam  fuisse  eius  amentiam.  Sed  eadem  ratione  fideles  ab  omni  eorum  societate  absterret.  Fuit  enim  horribile  illud  Dei  iudicium,  quod  asinae  prius  se  manifestavit  angelus  quam  prophetae  :  quod  asina  infensum  Deum  sentiens,  ultra  progredi  ausa  non  est,  quin  potius  pedes  retulit,  quum  propheta  coeco  avaritiae  suae  impulsu  adversus  certam  Dei  prohibitionem  se  ingereret.  Nam  quod  illi  tandem  responsum  fuit  ut  iret  :  signum  divinae  indignationis  fuit  magis  quam  permissus.  Postremo  in  summum  eius  dedecus  os  apertum  asinae  fuit,  ut  illam  haberet  magistram  qui  Dei  imperio  subiicere  se  noluerat.  Atque  hoc  prodigio  ostendere  voluit  Dominus  quam  prodigiosa  res  sit,  veritatem  in  mendacium  mutare.  /Quaeritur  nunc  quo  iure  Balaam  prophetae  titulo  insigniatur,  quem  constat  multis  pravis  superstitionibus  fuisse  deditum.  Respondeo  vaticinandi  donum  sic  esse  particulare,  ut  qui  alias  nec  verum  Deum  colit,  nec  puram  religionem  tenet,  possit  tamen  illo  esse  praeditus.^  Porro  Deus  in  media  idololatria  prophetiam  ideo  interdum  exstare  voluit,  quo  minus  excusationis  haberent  homines.  Nunc  si  quis  summam  eorum,  quae  dixit  Petrus,  colligat,  videbit  non  minus  nostro  saeculo  congruere  hanc  eius  admonitionem.  Nam  passim  grassatur  haec  pestis,  quod  homines  scurrili  dicacitate  in  Dei