5:467  CONSILIUM  PKO  LUTHERANIS  QUOD  PONTIFEX  ROMANUS  NUPER  CAESARI  DEDIT.  Heri  quum  reverendissimus  dominus  legatus  audivisset  illustrem  D.  de  Granvella  caesareae  maiestatis,  et  serenissimi  regis  Romanorum  nomine  proponentem  maiestatibus  suis  videri  utile  et  necessarium  ad  tollenda  dissidia  religionis  in  natione  germanica,  quae  iam  satis  superque  christianam  pietatem  labefactarent  et  quotidie  magis  labefaciunt,  nec  non  ad  providendum  rebus  turcicis,  quod  exploratum  esset  Turcam  hoc  anno  Hungariam  valido  apparatu  petiturum,  conventum  catholicorum  principum  ad  festum  trinitatis  Spirae  haberi,  in  quo  primo  tractaretur  de  augendo  foedere  catholicorum  .  .  .  .  Hoc  pontifici  datum  est.  Alioqui  pii  principes  tam  inauspicatum  huius  consilii  initium  nunquam  facere  voluissent.  Qui  enim  potuisset  minus  auspicatum  uniendae  Germaniae  exordium  fieri  quam  a  foederis  eius  accessione,  quo  ab  una  parte  in  alterius  perniciem  conspiretur.  Maluissent  itaque  principes  sublata  dissidii  materia,  quod  facile  est,  partes  in  concordiam  sanctam  et  christianam  reducere.  Id  quod  fiet  sola  doctrinae  disciplinaeque  Christi  admissione,  vitiorumque  correctione,  quae  contra  in  clerum  plebemque  irrepserunt.  Sed  ut  dictum  hoc  sanctissimo  dari  oportuit,  qui  quum  hoc  bene  videat,  se  salvo  et  incolumi  regnum  Christi  erigi  non  posse,  in  eo  fallitur  quod  eius  virtutem  coniuratione  praesidiisque  hominum  oppressum  iri  speret.  Ac  de  nonnullis  rebus  religionis,  quae  forte  possent  concedi  statibus  protestantibus,  quae  tamen  non  essent  de  essentidlibus  nostrae  fidei  .  .  .  .  [fol.  4  J  Recipiantur  ubique  in  quibus  religio  per  se  consistit  et  ad  eam  necessario  requiruntur,  nec  quidquam  de  his  in  ullius  gratiam  remittatur,  et  concordia,  quod  ad  protestantes  attinet,  iam  inventa  erit.  Ut  illis  semel  constitutis  inter  catholicos  principes,  deinde  alius  conventus  cum  nonnullis  principibus