40:467  467  PRAELECTIONES  468  tur  pro  partu.  Dicit  igitur  matrem  populi  in  illius  sanguine,  hoc  est,  dum  illum  peperit.  Ita  revocat  Ezechiel  Iudaeos  ad  primam  suam  originem:  et  antea  vidimus  nomen  sanguinis  hoc  sensu  accipi.  Quum  ergo  esses  in  sanguine  tuo^  hoc  est,  quum  primum  ex  utero  matris  tuae  prodires��  Scimus  enim  foetus  ex  utero  prodire  sanguine  adspersos:  et  illa  metaphora  fuit  exposita  cap.  16.  Vive  in  sanguine  tuo,  dicebat  Deus,  quum  scilicet  adhuc  foedati  essent  Iudaei,  quia  nondum  abstersi  erant  a  sordibus.  In  summa,  sanguis  accipitur  pro  partu  :  quasi  dictum  esset,  ubi  primum  editi  fuerunt  in  lucem  Iudaei,  plantatos  fuisse  ut  radicem  agerent,  quia  scilicet  Deus  ipsos  adduxit  in  terram  Chanaan.  Hic  autem  dicit  Iudaeos  fuisse  in  lucem  editos,  quum  Deus  ipsos  redemit.  Omittit  autem  spatium  illud  intermedium  temporis  de  quo  alibi  vidimus:  quia  ab  exitu  statim  ad  introitum  descendit.  In  summa,  significat  Iudaeos  primo  quasi  die  suae  nativitatis  fuisse  locatos  in  terra  Chanaan,  quae  uberrima  erat,  ut  illic  fructus  suos  proferrent,  hoc  est  ut  feliciter  agerent  ac  fruerentur  rerum  omnium  copia.  Nunc  etiam  tenemus  quid  verba  significent,  quum  dicit  matrem  populi  fuisse  plantatam  super  aquas,  fuisse  frondosam,,  et  fructiferam.  Addit  fuisse  ei  virgas,  hoc  est  palmites,  ad  sceptra  dominantium.  Qui  vertunt  cum  sceptris  dominantium,  vel  supra  sceptra  dominantium,  non  videntur  mihi  assequuti  prophetae  mentem.  Ego  itaque  non  dubito  quin  significet  ex  palmitibus  vitis  fuisse  sceptra  collecta,  vel  potius  ipsos  palmites  fuisse  formatos,  ut  essent  quasi  sceptra  regia.  Etsi  autem  videtur  asperior  haec  translatio,  tamen  quoad  sensum  nihil  ambiguum  est,  quia  intelligit  propheta  sumptos  fuisse  reges  ex  populo  illo,  quemadmodum  ubi  decerpitur  palmes  ex  vite:  ita  Deus  reges  elegit  a  Davide  usque  ad  Zedechiam.  Hoc  sensu  dicit  fuisse  palmites  ad  sceptra  dominantium.  Postea  adiungit  conspicuam  fuisse  staturam  eius,  ipsam  fuisse  conspectam  in  sua  altitudine,  in  multitudine  etiam  palmitum.  Hoc  extenditur  ad  totum  corpus  populi.  Quum  fit  mentio  regis  non  dubium  quidem  est,  quin  gratiam  suam  Deus  commendet  erga  totum  populum,  cuius  salus  et  felicitas  in  regno  erat  posita,  ut  alibi  visum  fuit.  Sed  clarius  exprimit,  populum  illum  sic  crevisse,  ut  copia  hominum  excelleret,  deinde  opibus  et  divitiis.  In  summa,  propheta  docet  fuisse  omni  genere  bonorum  ornatos  Iudaeos  initio:  quia  illic  fulgebant  eximia  Dei  dona,  quum  scilicet  conspicua  esset  eorum  dignitas,  deinde  opulentia  esset  densa,  quia  ponit  multitudinem  ramorum,  vel  palmitum  cum  altitudine.  Iam  veniamus  ad  secundum  membrum.  Dicit  evulsam  fuisse  in  excandescentia  vitem  illam,  proiectam  in  terra,  et  arefactam  a  vento  orientali,  ramos  eius  fuisse  discerptos,  vel  confractos,  et  arefactos,  denique  consumptos  fuisse  igni  Iam  breviter