35:467  467  SERMON  CL  VI  468  devons  bien  confesser  nostre  foiblesse,  quand  il  est  parle  des  bestes  brutes  desquelles  nous  n'oserions  pas  approcher  pour  les  regarder  seulement:  que  seroit-ce  donc  si  Dieu  ne  les  retenoit?  Or  apres  cela  Dieu  nous  conduit  a  la  mer:  et  nous  monstre  que  la  nous  avons  aussi  de  quoy  nous  humilier:  non  seulement  en  ceste  multitude  des  poissons  et  en  ceste  variete  qu'on  y  voit:  tellement  que  les  escrivains  prophanes  et  incredules  ont  este  contraints  de  dire,  que  si  on  voit  beaucoup  de  miracles  sur  la  terre,  la  vraye  boutique  des  miracles  de  nature  est  en  la  mer:  mais  mesmes  quand  on  considerera  quelque  certaine  espece,  prenons  seulement  la  balaine,  n'est-ce  pas  une  chose  incroyable,  de  voir  la  une  telle  masse  vivante  en  l'eau?  Qui  est-ce  qui  pourroit  former  la  matiere  d'une  beste  si  grosse  et  si  massive,  et  si  robuste  comme  on  la  voit?  Car  il  semble  qu'elle  se  doive  ellever  pour  venir  ravir  proye  en  terre,  et  qu'il  n'y  ait  point  pasture  en  l'eau  qui  luy  suffise.  Et  aussi  nous  voyons  ce  qui  est  en  ses  os,  ou  en  ses  arestes  qui  sont  plus  qu'os,  on  verra  la  fer  et  acier:  si  on  regarde  aussi  a  sa  charnure:  on  sera  esbahi.  Pour  entretenir  donc  un  tel  corps,  il  faut  bien  qu'il  y  ait  de  grandes  richesses.  Et  qui  est-ce  qui  luy  en  fournist,  sinon  Dieu?  Car  il  n'a  point  ordonne  le  monde  sinon  pour  l'entretenir:  il  a  donc  prouveu  a  toutes  choses.  Et  ainsi  quand  nous  voyons  cela,  apprenons  de  nous  renger  a  luy:  ou  il  ne  faudra  point  d'autres  iuges  pour  nous  condamner,  que  les  bestes  brutes:  ii  ne  faudra  point  d'autre  procez  pour  nous  convaincre,  que  les  creatures  qui  sont  esparses  par  tout  le  monde,  tant  sur  la  terre  que  dedans  les  eaux.  Si  nous  avons  retenu  ceste  simplicite-la,  elle  nous  vau  d  ra  mieux  que  toutes  les  expositions  subtiles  qu'on  pourra  amener:  comme  quand  ceux  qui  ont  ici  basti  des  allegories,  ont  espluche  les  os  et  les  arestes  des  balaines,  et  ont  aussi  traitte  de  la  peau,  de  cecy  et  de  cela  :  bref,  il  n'y  a  rien  ou  ii  n'y  ait  fallu  trouver  ie  ne  say  quels  menus  fatras.  Or  c'est  comme  faire  de  l'Escriture  saincte  un  nez  de  ci  re,  la  transfigurant  hors  de  son  sens  naturel.  Mais  quand  nous  aurons  retenu  ce  seul  article  que  i'ay  touche,  c'est  assavoir  qu'il  ne  faudra  point  d'autre  tesmoignage  pour  nous  tenir  convaincus  devant  Dieu,  que  celuy  qui  se  monstre  aux  bestes  brutes:  n'aurons-nous  pas  beaucoup  profite?  Or  devant  que  d'estre  ainsi  condamnez  en  la  presence  de  Dieu,  nous  avons  a  recevoir  maintenant  l'instruction  qui  nous  est  donnee.  Et  en  premier  lieu,  afin  que  nous  n'ayons  point  de  vergongne  d'estre  enseignez  par  les  baiaines  et  par  les  elephans:  cognoissons  que  Dieu  nous  renvoye  la,  voire  pour  nostre  perversite:  pource  que  nous  sommes  malins,  nous  sommes  pervers,  et  d'une  nature  meschante  et  tortue,  tellement  qu'on  ne  nous  peut  amener  a